|
جنوبی کوریا کی الیکٹرانکس کمپنی ایل جی نے اعلان کیا ہے
کہ وہ دو کاغذ جتنے پتلے ٹی وی پینل بنا رہی ہے جن میں سے ایک اتنا لچکدار
ہے کہ اس کو لپیٹا جاسکتا ہے۔
ایل جی کے بقول اس لچکدار ٹی وی پینل کو جب لپیٹا جائے گا تو یہ تین سینٹی
میٹر کے قطر کی ٹیوب بن جائے گی۔
|
|
|
|
بی بی سے کے مطابق ایل جی کا کہنا ہے کہ 2017 تک 60 انچ کا الٹرا روک ایبل
ٹی وی مارکیٹ میں لے آئیں گے۔
ایل جی نے اس سال کے شروع میں اپنا پہلا لچکدار ٹی وی سیٹ تجارتی میلے میں
پیش کیا تھا۔
ایل جی کے نئے لچکدار پینل کی روزولیوشن 1200x810 ہے اور اس کو تین سینٹی
میٹر قطر کی ٹیوب میں لپیٹنے کے بعد بھی اس میں کوئی فرق نہیں پڑتا۔
ایل جی نے کہا کہ اس ٹی وی پینل میں لچک اس لیے ممکن ہو سکی کہ اس میں
پلاسٹک نہیں پولیمائیڈ فلم استعمال کی گئی ہے۔
ایل جی کی جانب سے دوسرا پینل شفاف ہے جس کی وجہ سے تصویر کی دھندلاہٹ میں
30 فیصد کمی واقع ہوئی ہے۔
|
|
|
سٹف ڈاٹ ٹی وی کے آن لائن ڈپٹی ایڈیٹر سٹیفن گریوز کا کہنا ہے ’لچکدار
سکینز ایک اہم ایجاد ہے۔ یہ باقی ٹی وی سیٹس سے زیادہ پائیدار ہوگی۔ اس کا
مطلب یہ ہے کہ انقریب بڑی اور بہتر سکرینز بنائی جائیں گی جو کہ جہازوں میں
بھی استعمال ہو سکے۔ اس ٹیکنالوجی کے باعث ہم کئی نئی ایجادات دیکھ سکیں گے۔
سوچیں دس انچ کا آئی پیڈ جس کو آپ کھولیں تو اس کی سکرین 16 انچ کی ہو جائے۔‘
وائرڈ رسالے کے پروڈکٹ ایڈیٹر جیریمی وائٹ کا کہنا ہے کہ ’میلوں پر جگہ کی
مناسبت سے ان ٹی وی سکرینز کو توڑا مروڑا جا سکے گا اور شفاف سکرینز کسی
نمائش پر خوبصورت لگے گی۔‘ |