دنیا کی خوفناک ترین سیڑھیاں٬ کمزور دل والوں کا کام نہیں

دنیا بھر کی سیر کا شوق رکھنے والے افراد کو سفر کے دوران بعض اوقات بہت سے ایسے مشکل ترین راستوں سے بھی گزرنا پڑتا ہے جنہیں دیکھ کر کمزور دل والے افراد تو صرف سوچتے ہی رہ جاتے ہیں- لیکن مضبوط دل کے مالک اپنے شوق کی تسکین کے لیے سب کچھ گزرنے کو تیار رہتے ہیں- ایسے ہی چند تنگ اور دشوار گزار راستوں کا ذکر آج آپ اس آرٹیکل میں پڑھیں گے- یہ راستے درحقیقت انسانوں کی تخلیق کردہ سیڑھیاں ہیں جو کہیں تو اونچے پہاڑوں پر چڑھنے کے لیے بنائی گئیں ہیں تو کہیں مختلف عمارات تک رسائی حاصل کے لیے-

یہ سیڑھیاں ایکواڈور کے pailon del diablo نامی آبشار کو جاتی ہیں- یہ سیڑھیاں صرف دیکھنے میں ہی خوفناک نہیں بلکہ ان پر چڑھنے کے لیے انسان کو اپنا دل مضبوط کرنا پڑتا ہے-

پیرو میں واقع ماچو پیچو کے کھنڈرات میں موجود مون ٹیمپل کو دیکھنے کے لیے سیاحوں کو گرینائٹ پر پہاڑوں پر بنی 600 سیڑھیوں چڑھنی پڑتی ہیں- ان 600 سیڑھیوں میں سے متعدد سیڑھیاں ٹوٹ پھوٹ کا شکار بھی ہیں-

فرانس میں واقع Janssen کے مشاہداتی مقام تک پہنچنے کا راستہ پہلی نظر میں کسی صورت خوفناک معلوم نہیں ہوتا لیکن جب انسان اس راستے پر چل کر اوپر پہنچنے کی کوشش کرتا تو اسے راستے کی خطرناکی کا اندازہ ہے-

Huashan چین کے 5 پہاڑوں میں سے ایک ہے اور یہاں بھی ایک ایسا خطرناک راستہ یا ایسی دل دہلا دینے والی سیڑھیاں موجود ہیں جنہیں چڑھنا کمزور دل والوں کے بس کی بات نہیں ہے -

یہ چکردار سیڑھیاں بارسلونا کے Sagrada Familia نامی چرچ کے بیل ٹاور میں بنی ہیں اور ان سیڑھیوں کے گرد ایسی کوئی حفاظتی شے موجود نہیں جسے لڑکھڑانے کی صورت میں تھام کر بچا جاسکے-

ناروے کے لائیس فورڈ کی سیڑھیاں دنیا کی لکڑی کی بنی سب سے بڑی سیڑھیاں ہیں- اور یہ 4444 قدمچے ہیں جن پر چڑھ کر انسان 2427 کی فٹ کی بلندی تک جا پہنچتا ہے-

ہر سال سیاحوں کی ایک بڑی تعداد کیلیفورنیا میں واقع مشہور یوسمیٹ نیشنل پارک کا رخ کرتی ہے لیکن ان کے لیے سب سے مشکل کام چڑھائی پر چڑھنا ہوتا ہے- ان سیاحوں کو 400 میٹر کی بلندی پر پہنچنے کے لیے صرف اس واحد راستے کو اختیار کرنا ہوتا ہے- اور اس راستے کے اردگرد صرف تاریں لگی ہیں جنہیں تھام کر اوپر کی جانب چڑھا جاتا ہے-

نیویارک کی سیر کو جانے والے سیاح مجسمہ آزادی پر چڑھنے کے لیے باقاعدہ طور ٹکٹ حاصل کرتے ہیں- یہ سیاح مجسمہ آزادی میں موجود دشوار گزار سیڑھیوں کے ذریعے تاج تک جاپہنچتے ہیں- مجسمہ آزادی کی بلندی ایک 20 منزلہ عمارت کے برابر ہے-

ہوائی کے علاقے Oahu میں موجود Haiku نامی یہ سیڑھیاں انتہائی خطرناک ہیں اور انہیں مستقل طور پر بند کردیا گیا ہے- اور ساتھ ہی یہاں موجود گارڈ اس بات کو یقینی بناتے ہیں کہ کوئی بھی یہ 3922 سیڑھیاں چڑھنے کی کوشش ہرگز نہ کرے-

< Previous خوبصورت اور حیرت انگیز قدرتی پول NEXT > سنگِ مرمر کے پہاڑ اور خطرناک سڑک