مونچھ میلے

مونچھ مردوں کا عالمی ورثہ ہے۔ قدامت پرست آج بھی "مْچھ منے" (بغیر مونچھوں والے) کو اچھی نظر سے نہیں دیکھتے۔۔ بلکہ پرانے لوگ کہتے تھے کہ ہندوستان کے بعض علاقوں میں اگر شوہر کی مونچھ نہ ہو تو خاتون گھر میں گھسنے نہیں دیتیں۔مونچھوں میں عالمی شہرت ہندوستان سے تعلق رکھنے والے 60 سالہ بادام سنگھ گجر کی ہے۔ جو دنیا میں سب سے بڑی مونچھیں رکھتے ہیں۔۔ تقریبا ساڑھے بارہ فٹ لمبی مونچھیں ہیں جو 22 سالوں سے قینچی سے محروم ہیں۔ برصغیر کے مرد تاریخی طور پر مونچھ کو اپنی مردانہ شان کا لازمی حصہ قرار دیتے رہے ہیں لیکن بھارت میں منعقد کئے جانے والے مونچھ میلے میں نظر آنے والی مونچھیں تو کسی حیرتناک عجوبے سے کم نہیں۔
 

ریاست راجھستان کی جھیل پشکر کے کنارے ہر سال ایک میلہ مویشیاں منعقد کیا جاتا ہے جس میں مقابلہ حسنِ مونچھ کا بھی خصوصی اہتمام ہوتا ہے۔ اس مقابلے میں حصہ لینے والے مردوں کی مونچھیں کوئی عام مونچھیں ہرگز نہیں ہیں بلکہ انہیں دیکھ کر یوں لگتا ہے گویا کئی فٹ لمبی رسیاں ہوں۔مقابلے کیلئے آنے والے اپنی مونچھوں کو گچھوں کی صورت میں لپیٹ کر آتے ہیں لیکن جب یہ مونچھیں کھلتی ہیں تو زمین کو چھونے لگتی ہیں۔شرکاء اس مقابلے میں شرکت کیلئے کئی کئی سال تک مونچھوں کی پرورش کرتے ہیں اور پھر میلے میں آکر حاضرین سے اپنی محنت کی داد پاتے ہیں۔

اس سال میلے میں 3 لاکھ سے زائد لوگوں نے شرکت کی اور اگرچہ اس موقع پر لاکھوں جانوروں کی خریدوفروخت ہوئی، کھیلوں کے مقابلوں اور اونٹ دوڑ کا اہتمام کیا گیا لیکن لمبی مونچھوں کے مقابلے نے سب سے زیادہ توجہ اور مقبولیت حاصل کی۔ ریاست راجستھان میں مونچھیں کبھی بہادروں کی شخصیت کا اہم حصہ ہوا کرتی تھیں، اب روزگار کے حصول کے لیے بھی اہم ہو گئی ہیں۔ پرانے زمانے میں مونچھوں کی اس قدر اہمیت تھی کہ مونچھوں پر محاورے بنے اور مردوں کی محفل میں مونچھوں کا ذکر اس طرح ہوتا تھا جیسے وہ مردانگی اور جواں مردی کی علامت ہوں۔ مونچھ پر پچاس روپے الاؤنس مقابل داڑھی اب راجستھان میں مونچھیں سیاحت اور علاقے میں روزگار کا ذریعہ بنی ہوئی ہیں۔