|
پاکستان نے گزشتہ روز جوہری ہتھیار اپنے ہدف تک لے جانے
کی صلاحیت کے حامل بیلسٹک میزائل شاہین دوئم (حتف چھ) کا کامیاب تجربہ کیا
ہے۔
فوج کے شعبہ تعلقات عامہ ’آئی ایس پی آر‘ نے اپنے جاری کردہ بیان میں کہا
ہے کہ یہ میزائل روایتی اور جوہری ہتھیار اپنے ہدف تک لے جانے کی صلاحیت
رکھتا ہے اور 1500 کلومیٹر تک اپنے ہدف کو نشانہ بنانے کی صلاحیت رکھتا ہے۔
|
|
|
|
اس موقع پر پاکستان کے اسٹریٹیجک پلان ڈویژن کے سربراہ لفٹینٹ جنرل زبیر
محمود حیات نے میزائل تجربے کے بعد فوجیوں سے خطاب میں اُن کی آپریشنل
تیاری کو سراہتے ہوئے کہا کہ پاکستان امن پسند ملک ہے اور اس کے کسی کے
خلاف جارحانہ عزائم نہیں ہیں۔
بیان کے مطابق لفٹیننٹ جنرل زبیر محمود نے کہا کہ پاکستان کی فورسز کسی بھی
جارحیت کا جواب دینے کے لیے پوری طرح تیار ہیں۔
عہدیداروں کے مطابق بیلسٹک میزائل کا یہ نیا تجربہ صرف میزائل ٹیکنالوجی کے
موجودہ معیار اور تکنیکی پہلوؤں میں بہتری کا جائزہ لینے کے حوالے سے کیا
گیا ہے۔
|