خطرناک آتش فشاں پہاڑ جو کبھی بھی پھٹ سکتے ہیں

ہم اپنی زندگی میں روزانہ اپنے اردگرد موجود چیزوں سے پریشان رہتے ہیں جیسے کوئی اپنے گھریلو معاملات کی وجہ سے پریشان ہوتا ہے تو کوئی اپنی نوکری کی وجہ سے- اور یقیناً آتش فشاں کے پھٹنے کی وجہ سے پیدا ہونے پریشانی ایسی چیز ہے جو کبھی ہمارے دماغ میں نہیں آتی- لیکن حقیقت ہے کہ دنیا میں ایسے خوفناک آتش فشاں پہاڑ بھی موجود ہیں جو کبھی بھی پریشانی کا باعث بن سکتے ہیں- یہ پہاڑ مستقل فعال ہیں اور ماہرین کے مطابق کبھی بھی پھٹ سکتے ہیں- اور اس سے قبل بھی یہ آتش فشاں پہاڑ لاوا اگل کر کئی لوگوں کو نقل مکانی پر مجبور کرچکے ہیں جبکہ کئی افراد اپنی جان سے بھی ہاتھ دھو چکے ہیں-
 

Mount Ōyama
جاپان میں واقع اس آتش فشاں پہاڑ سے سال 2000 میں زہریلی گیسوں کا اخراج شروع ہوگیا ہے جس کے باعث کسی کو بھی چار سال تک اس Miyakejima نامی جزیرے پر رہائش اختیار کرنے نہیں دی گئی- تاہم آب لوگوں نے یہاں دوبارہ رہنا شروع کردیا ہے لیکن وہ ہر وقت ماسک پہنے ہوتے ہیں- اس کے علاوہ جیسے ہی یہاں کی آب و ہوا میں سلفر کی سطح میں اضافہ ہوتا ہے تو الارم بجنا شروع ہوجاتے ہیں-

Mt. Vesuvius
یہ ایک غیر معروف آتش فشاں پہاڑ ہے جو کہ اٹلی میں واقع ہے اور اسی کی وجہ سے پومپئی شہر کھنڈرات میں بدل گیا- اس تباہی کے باوجود یہ پہاڑ آج بھی فعال ہے- 79 عیسوی کے بعد سے یہ پہاڑ متعدد بار لاوا اگل چکا ہے- یہ دنیا کے سب سے گنجان آباد آتش فشاں پہاڑوں میں سے ایک ہے جس کے اردگرد 30 لاکھ افراد آباد ہیں-

Taal Volcano
یہ دنیا کے خطرناک ترین آتش فشاں پہاڑوں میں سے ایک ہے اور فلپائن میں واقع ہے- اب تک تقریباً 6 ہزار افراد اس کی زد میں آکر اپنی جان سے ہاتھ دھو بیٹھے ہیں- اسی لیے اس پہاڑ کا نظارہ کرنے والے سیاحوں کو مشورہ دیا جاتا ہے کہ وہ اسے دور سے ہی دیکھیں-

Yellowstone Caldera
امریکہ میں واقع یہ ایک بڑا آتش فشاں پہاڑ ہے جو کہ عام آتش فشاں پہاڑوں سے مختلف ہے کیونکہ اس پہاڑ سے نکلنے والا لاوا عام پہاڑوں سے ہزار گنا زیادہ ہوتا ہے-ماہرین کے مطابق اس کے پھٹنے کی صورت میں 87 ہزار افراد اسی وقت ہلاک ہوسکتے ہیں- اس سے نکلنے والی راکھ اور گیس کھانوں کی فراہمی کو بری طرح متاثر کرسکتی ہے-

Mt. Merapi
انڈونیشیا میں واقع سال کے 300 دن اس آتش فشاں پہاڑ سے دھواں اٹھتا دیکھا جاسکتا ہے اور جس کی وجہ سے یہ انتہائی خطرناک بھی قرار دیا جاتا ہے- سال 2010 میں جب یہ آتش فشاں پھٹا تو پورے مہینے اس سے لاوا نکلتا رہا جس کے بعد یہ پہاڑ 125 فٹ چھوٹا ہوگیا-

Ulawun
اس آتش فشاں پہاڑ کے نزدیک رہنے والوں کے لیے سب سے بڑا خوف اس پہاڑ کی بلندی کی وجہ سے ہے- ماہرین کے مطابق Papua New Guinea میں واقع اس پہاڑ کا اسٹرکچر اگر تباہ ہوتا ہے تو اس سے بہت زیادہ نقصان ہوسکتا ہے-

Popocatépetl
اگرچہ یہ میکسیکو کی دوسری بلند ترین چوٹی ہے لیکن سب سے خطرناک بھی ہے- 1947 میں یہ پہاڑ بڑے پیمانے پر پھٹا تھا لیکن 1994 کے بعد سے لے کر اب تک 8 مرتبہ یہ ہلکا پھلکے انداز میں لاوا اگل چکا ہے- اور اسی وجہ سے 41 ہزار افراد یہاں سے نقل مکانی کرچکے ہیں- آخری دفعہ یہاں سے لاوا گزشتہ سال ہی نکلا ہے جس کی وجہ سے اسے ایک مہلک ترین آتش فشاں قرار دیا جاتا ہے-