سورہ البقرہ ٢
----------------------- آیہ # ١٢٤ تا ١٢٩
اور جب ابراہیم کو اسکے رب نے کچھ باتوں سے آزمایا تو اس نے وہ پوری کر
دکھائیں فرمایا میں تمہیں لوگوں کا پیشوا بنانے والا ہوں عرض کی اور میری
اولاد سے فرمایا میرا عہد ظالموں کو نہیں پونھچتا - اور (یاد کرو) جب ہم نے
اس گھر کو لوگوں کے لیے مرجع اور امان بنایا اور ابراہیم کے کھڑے ہونے کی
جگہ کو نماز کا مقام بناؤ اور ہم نے تاکید فرمائی ابراہیم اور اسماعیل کو
کہ میرا گھر خوب ستھرا کرو طواف والوں اور اعتکاف والوں اور رکوع و سجود
والوں کے لیے- اور جب عرض کی ابراہیم نے کہ اے میرے رب اس شہر کو امان والا
کر دے اور اس کے رہنے والوں کو طرح طرح کے پھلوں سے روزی دے جو ان میں سے
الله اور پچھلے دین پر ایمان لائیں اور فرمایا جو کافر ہوا تھوڑا برتنے کو
اسے بھی دونگا پھر اسے عذاب دوزخ کی طرف مجبور کر دونگا اور وہ بہت بری جگہ
ہے پلٹنے کی - اور جب اٹھاتا تھا ابراہیم اس گھر کی نیویں اور اسماعیل یہ
کہتے ہوئے اے رب ہمارے ہم سے قبول فرما بیشک تو ہی ہے سنتا جانتا - اے رب
ہمارے اور کر ہمیں تیرے حضور گردن رکھنے والا اور ہماری اولاد میں سے ایک
امت تیری فرمانبردار اور ہمیں ہماری عبادت کے قاعدے بتا اور ہم پر اپنی
رحمت کے ساتھ رجوع فرما بیشک تو ہی ہے بہت توبہ قبول کرنے والا مہربان - اے
ہمارے رب اور بھیج ان میں ایک رسول انہیں میں سے کہ ان پر تیری آیتیں تلاوت
فرماۓ اور انہیں تیری کتاب اور پختہ علم سکھائے اور انہیں خوب ستھرا فرما
دے بیشک تو ہی ہے غالب حکمت والا |