انوکھا واقعہ٬ ویڈیو موجود نہیں تو ناٹ آؤٹ

کیا آپ جانتے ہیں کہ چند روز قبل نیوزی لینڈ اور سری لنکا کے مابین ہونے والے ایک مقابلے کے ابتدائی لمحات میں ایک دلچسپ واقعے نے شائقین کو حیران٬ سری لنکا کے کھلاڑیوں کو پریشان اور منتظمین کو پشیمان کردیا- اگر آپ کے علم میں ایسا کوئی واقعہ نہیں تو آئیے ہم بتاتے ہیں-

ہوا کچھ یوں کہ مذکورہ میچ کے دوران سری لنکا نے ایک “ ریویو “ لیکن ایکشن ریپلے کی وڈیو دستیاب نہ ہونے کے باعث تھرڈ ایمپائر کی جانب سے نیوزی لینڈ کے ایک کھلاڑی کو ناٹ آؤٹ قرار دینا پڑا-
 

قدرت نیوز کے مطابق ڈنیڈن کے یونیورسٹی اوور میں ہونے والے مقابلے کا آغاز اس طرح ہوا کہ نیوزی لینڈ صفر پر ہی اپنے کپتان برینڈن میک کولم سے محروم ہوگیا اور جب چوتھے اوور میں دھمیکا پرساد نے مارٹن گپٹل کے خلاف ایک زوردار اپیل بلند کی تو صاف محسوس ہوتا تھا کہ میزبان کی دوسری وکٹ بھی گئی۔ دھمیکا کی لینتھ-بال گپٹل کے گھٹنے سے نیچے مڈل اور آف –اسٹمپ کے بالکل سامنے لگی تھی۔ جب سب کی نظریں امپائر ڈیرک واکر کی انگلی اٹھنے کی منتظر تھیں، تو انہوں نے کوئی حرکت نہیں کی۔ حیرانگی کے عالم میں دھمیکا پرساد نے اپنے ساتھی کھلاڑیوں کی جانب نگاہیں دوڑائیں لیکن امپائر کے فیصلے کے خلاف 'ریویو' لینے پر انہیں ایک حیران کن اطلاع دی گئی۔ امپائر کا کہنا تھا کہ ایک تکنیکی خرابی کی وجہ سے وہ 'ریویو' نہیں لے سکتے۔

دراصل جس اینڈ سے دھمیکا پرساد گیند کررہے تھے، اس اینڈ پر ڈی آر ایس آلات میں کوئی فنی خرابی پیدا ہوگئی تھی اور جس کی وجہ سے اس گیند کے لیے سری لنکا 'ریویو' لے ہی نہیں سکتا تھا۔

یہ بات سری لنکا کے کھلاڑیوں کو غصہ دلانے والی تو تھی ہی، اور ایسے موقع پر سب سے آگے رہتے ہیں مہیلا جے وردھنے جو ایک بار پھر وہ کچھ کہتے سنائی دیے۔

مارٹن گپٹل کو جس طرح زندگی ملی، اس طرح بہت کم ہی ہوتا ہے لیکن اس کے باوجود وہ طویل اننگز کھیلنے میں ناکام رہے اور 28 رنز بنانے کے بعد آؤٹ ہوگئے۔