امریکہ پاکستان کی جاسوسی کر رہا ہے

روس کی سافٹ وئیر کمپنی کا کہنا ہے کہ امریکی انٹیلی جنس ادارہ کمپیوٹر ہارڈ ڈرائیوز کے ذریعے پاکستان کی جاسوسی کر رہا ہے- سافٹ وئیر کمپنی کے مطابق امریکی انٹیلی جنس ادارہ کمپیوٹر ہارڈ ڈرائیوز میں جاسوسی پروگرام انِسٹال کررہا ہے اور یہ ہارڈ ڈرائیوز پاکستان میں بھی پائی گئی ہیں۔
 

روس کے اینٹی وائرس سافٹ وئیر کا کہنا ہے کہ اسے پاکستان سمیت دنیا کے 30 ممالک میں ایسی کمپیوٹر ہارڈ ڈرائیوز ملی ہیں جن میں جاسوسی کے پروگرامز انسٹال کئے گئے ہیں۔

روس کی ایک اعلیٰ سیکیورٹی فرم کا اس حوالے سے مزید کہنا ہے کہ جاسوسی کے پروگرام کمپیوٹر آلات میں اس حدد تک بیٹھ جاتے ہیں کہ ہارڈ ڈسک بدلنے ، اینٹی وائرس چلانے ، یا سارا پروگرام از سرنو ڈالنے کے باجود بھی اس میں سے ڈیلیٹ نہیں ہوتے اور کمپیوٹر دوبارہ اسٹارٹ ہوتے ہی کاروائی کا آغاز کردیتے ہیں۔

روسی ادارے کی جانب سے شائع کردہ رپورٹ کے مطابق یہ ہارڈ ڈرائیوز روس، پاکستان ،افغانستان، چین، مالی، شام، یمن اور الجیریا میں پائی گئی ہیں اور انٹرنیٹ کے ذریعے امریکی جاسوسی کا اولین نشانہ ایران ، روس ، پاکستان ، چین اور افغانستان ہیں-