دیکھیے دنیا کے سب سے چھوٹے جانور جو عام نہیں

قدرت اپنی انتہاؤں کے لیے مشہور ہے٬ اس کی مثال ہمیں جانوروں میں بھی دیکھنے کو ملتی ہے- دنیا میں جہاں ایک جانب انتہائی بڑے اور دیوقامت جانور موجود ہیں وہیں دوسری طرف ہماری دنیا میں نہایت چھوٹے جانور بھی پائے جاتے ہیں- تاہم یہ جانور عام نہیں ہیں اس لیے یہ ہمیں اپنے اردگرد نہیں دکھائی دیتے-
 

Pygmy Marmoset
یہ دنیا کا سب سے چھوٹا بندر ہے جس کا وزن 110 سے 140 گرام تک ہوتا ہے جبکہ یہ صرف 15 سینٹی میٹر تک لمبا ہوتا ہے- یہ بندر ایمیزون کے آبی جنگلات میں پائے جاتے ہیں- یہ درختوں کے درمیان چھلانگیں لگاتا رہتا ہے جبکہ اس کی مرغوب غذا کیڑے ہوتے ہیں- اس بندر کے دانت اور پنجے انتہائی تیز ہوتے ہیں-

Miniature Horse
چھوٹے قد کے حامل گھوڑے متعدد ممالک میں پائے جاتے ہیں لیکن امریکہ اور یورپ میں ان کی تعداد زیادہ ہوتی ہے- چھوٹے گھوڑے کا اعزاز گھوڑے کی نسل اور اس کے قد کے مطابق دیا جاتا ہے- عموماً چھوٹے گھوڑے کا قد 34 سے 38 کے انچ کے درمیان ہوتا ہے-

Bee Hummingbirds
اس پرندے کا تعلق ہمنگ برڈ کی ایک ایسی نسل سے ہے جو گھنے جنگلات میں پائی جاتے ہیں- اس کے علاوہ یہ پرندہ کیوبا کے مرکزی جزیرے Isla de la Juventud پر بھی موجود ہے- اس پرندے کا وزن 1.6 سے 2 گرام تک ہوتا ہے جبکہ اس کی لمبائی 2 سینٹی میٹر تک ہوتی ہے- یہ دنیا کا سب سے چھوٹا پرندہ ہے-

Philippine Tarsiers
فلپائن میں پائے جانے والے اس جانور کی نسل معدوم ہونے کے قریب ہے- اس جانور کا تعلق 45 ملین سال پرانے جانور Tarsiidae کے خاندان سے ہے- یہ ایک بہت ہی عجیب اور چھوٹا سا جانور ہے- درحقیقت یہ رات کے وقت زیادہ فعال ہوتا ہے اور اس کی غذا کیڑے مکوڑے ہوتے ہیں-

Fennec Fox
یہ دنیا کی سب سے چھوٹی لومڑی ہے جو کہ شمالی افریقہ کے صحارا صحرا میں پائی جاتی ہے- اس لومڑی کان غیرمعمولی طور پر بڑے ہوتے ہیں- اس کا وزن 1.5 سے 3.5 پونڈ تک ہوتا ہے جبکہ اس کی لمبائی 8 انچ تک ہوتی ہے-

Panda Cow
اس گائے کا تعلق چھوٹے قد کے مویشیوں سے ہے اور اپنے جسم پر موجود مخصوص نشانات کی بدولت ایک دیوقامت پانڈہ سے مشابہت رکھتی ہے- جنوری 2011 کے اعداد و شمار کے مطابق دنیا بھر میں ایسی 24 گائے موجود ہیں-

Pygmy Rabbit
یہ دنیا کا سب سے چھوٹا خرگوش ہے جو کہ شمالی امریکہ میں پایا جاتا ہے- اس خرگوش کا حد وزن 400 گرام جبکہ لمبائی 24 سے 29 سینٹی میٹر تک ہوتی ہے- ان خرگوشوں میں مادہ خرگوش نر خرگوش کی نسبت زیادہ لمبی ہوتی ہے- یہ ایسے علاقوں میں پائے جاتے ہیں جہاں لمبی اور گھنی جھاڑیاں موجود ہوں- اور ان جھاڑیوں کا استعمال کھانے اور خود کو چھپانے کے لیے کیا جاتا ہے-