پچھتاوا
(farah ejaz, dearborn, mi USA)
وہ سمندر کے نیلگو پانی کو
گھورتی ہوئی ۔۔۔۔۔۔۔۔۔۔ سب سے الگ تلگ کھڑی تھی ۔۔۔۔۔۔۔۔۔۔۔۔۔ بڑی سی چادر
میں چھپا لرزتا وجود ۔۔۔۔۔۔ آنکھوں سے سیل رواں جاری تھا۔۔۔۔۔۔۔۔۔۔۔۔ لوگوں
سے بے نیاز ۔۔۔۔۔۔۔۔۔۔۔۔ ماضی کے دریچوں میں جھانک رہی تھی ۔۔۔۔۔۔۔۔۔۔۔
بچپن سے لڑکپن تک کتنی حسین تھی زندگی ۔۔۔۔۔۔۔۔ اچانک اندر ایک شور سا اٹھا
۔۔۔۔۔۔۔۔۔۔ اس نے اپنے کھردرے ہاتھوں سے اپنے دونوں کان بند کر لئے
۔۔۔۔۔۔۔۔ مگر اندر کے شور کودبا نہیں سکی۔۔۔۔۔۔۔۔۔۔
ُاف میرے الله ۔۔۔۔۔۔۔ مجھے سکون دے دے ۔۔۔۔۔۔۔۔۔ میرے گناہوں کو معاف کردے
۔۔۔۔۔۔۔۔۔
وہ بے آواز اپنے رب کو پکارنے لگی ۔۔۔۔۔۔۔ آنسو اس کی پلکوں سے گرنے لگے
۔۔۔۔۔۔ اور ماضی کی کتاب کھل گئی ۔۔۔۔۔۔۔۔ ایک ایک صفحہ وہ پلٹتی گئی
۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نورین ۔۔۔ اٹھو بیٹا ۔۔۔۔۔۔۔۔۔ کیا کالج نہیں جانا ہے ؟ ۔۔۔۔۔
امی کی آواز پر وہ کروٹ بدل کر اس کے حسین خواب کو وہیں سے جوڑنے کی ناکام
کوشش کرنے لگی ۔۔۔۔۔ مگر اچانک کچھ یاد آنے پر بیڈ سے اٹھ بیٹھی
۔۔۔۔۔۔۔۔۔۔۔۔۔
ارے آج تو اس سے ملنا ہے ۔۔۔۔۔۔۔
وہ زیر لب بڑ بڑائی تھی ۔۔۔ اور جھٹ پلنگ سے اتر کر واش روم میں گھس گئی
۔۔۔۔۔۔۔۔۔۔۔ جلدی جلدی منہ ہاتھ دھو کر واش روم سے نکل آئی ۔۔۔۔۔۔۔ پھر اس
کی پسند کے رنگ کا جوڑا پہن کر ۔۔۔قد آدم آئینے کے سامنے کھڑی ہو کر برش
کرنے لگی ۔۔۔۔۔۔۔۔۔۔۔ پھر لپ اسٹک اور مسکارا ڈریسنگ ٹیبل سے اٹھا کر بیگ
میں رکھ لیا ۔۔۔۔۔۔۔۔۔۔۔۔ اب وہ اس سے ملنے کے لئے تیار تھی ۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔
اتنی دیر کیوں لگا دی یار تم نے ۔۔۔۔۔۔۔۔۔۔۔۔۔
وہ اسے دیکھ کر برس پڑا ۔۔۔۔۔۔
ارے غصہ کیوں کر رہے ہو ۔۔۔۔۔۔۔۔۔۔۔۔۔۔ تم سے ملنا اتنا آسان تھوڑی ہے
۔۔۔۔۔۔۔۔۔۔۔۔
وہ مزے سے اس کے سامنے والی کرسی گھسیٹ کر بیٹھتے ہوئے بولی ۔۔۔۔۔۔۔۔۔۔۔۔
ہاں جانتا ہوں ۔۔۔۔۔۔۔ اس لئیے تو تم پر دل و جان سے فدا ہو گیا ہوں
۔۔۔۔۔۔۔۔۔۔۔ تم میرے لئے کیا کچھ نہیں کرتی ہو ۔۔۔۔۔۔۔
وہ مسکرانے لگا ۔۔۔۔۔
لیکن ان قربانیوں کاکچھ تو صلہ دو ۔۔۔۔۔۔۔۔۔ میں کب تک تم سے ملنے کے لئے
امی سے جھوٹ بولتی رہونگی ۔۔۔۔۔۔۔۔۔۔
اچھا یار کرتا ہوں کچھ نا کچھ ۔۔۔۔۔۔۔۔۔۔۔
وہ بد مزہ سا ہوا ۔۔۔۔۔۔۔۔۔۔۔۔۔۔ پھر بات بدل کر اس کے فیوریٹ ایکٹر کی نیو
ریلیز فلم کی باتیں کرنے لگا۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
امی میں نے آپ سے کتنی بار کہا ہے ۔۔۔میں آپ کے بھانجے سے شادی نہیں کرونگی
۔۔۔۔۔۔۔۔۔ اس کی شکل دیکھی ہے آپ نے
بونگا دبو سا ۔۔۔۔۔۔۔۔۔ ہنہ۔۔۔۔۔
وہ امی سے ان کے بھانجے کے پروپوزل کی بات سن کر زرا بدتمیزی سے بولی تھی
۔۔۔۔۔۔۔۔۔۔۔۔
ہاں تو کیا تمہارے لئے کوئی شہزادے گلفام کا پروپوزل آئے گا ۔۔۔۔۔۔۔۔۔۔۔۔
وہ بھی زرا غصے سے بولیں تھیں۔۔۔۔۔
میں نے کہہ دیا ہے میں اس بونگے سے شادی نہیں کرونگی بس ۔۔۔۔۔۔۔۔۔۔
اچھا خاصا شریف لڑکا ہے ۔۔۔۔۔۔۔۔۔ ڈاکٹر اوپر سے اپنا کلینک ۔۔۔۔۔۔۔ اور اس
لڑکی کے نخرے ہی ختم نہیں ہو رہے ۔۔۔۔۔۔۔۔۔ آنے دو تمہارے ابو کو ۔۔۔۔۔۔
لاڈلی کو سر پر چڑھا لیا ہے انہوں نے ۔۔۔۔۔۔۔۔۔۔۔
وہ غصہ کرتیں کمرے سے باہر نکل گئیں ۔۔۔۔۔۔ اور وہ دھب سے بیڈ پر بیٹھ گئی
۔۔۔۔۔۔۔۔۔۔ کچھ دیر تو نہ جانے کیا سوچتی رہی ۔۔۔۔ پھر اس کا سیل نمبر
ملانے لگی ۔۔۔۔۔۔۔
مجھے تم سے ملنا ہے ۔۔۔۔ کل ہر حال میں ۔۔۔۔۔۔۔۔۔
اس کے ہلو بولنے پر صرف یہ کہہ کر فون بند کر دیا ۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وہ دونوں کافی دیر سے چپ چاپ اس کیفے میں بیٹھے تھے ۔۔۔۔۔۔۔۔ آخر کار وہی
بولا تھا ۔۔۔۔۔۔۔
اس پریشانی کا حل میں تمہیں بتا تا ہوں ۔۔۔۔۔۔۔۔۔۔۔۔۔۔۔ لیکن کیا تم اس پر
عمل کر سکوگی ۔۔۔۔۔۔
وہ سوالیا نظروں سے اسے دیکھنے لگی ۔۔۔۔۔۔۔۔۔۔۔۔
کیا تم میرے ساتھ ملتان چلنے کو تیار ہو ۔۔۔۔۔۔۔۔۔۔۔۔
وہ حیرت سے اسے دیکھنے لگی ۔۔۔۔۔۔۔۔۔۔۔
نہیں ۔۔۔۔۔۔۔۔۔۔۔
کیوں نہیں ۔۔۔۔۔۔۔۔۔۔
آخر تم اپنے والدین کو ہمارے گھر رشتے کے لئے بھیجتے کیوں نہیں ۔۔۔۔۔۔۔۔۔
دیکھو نورین ۔۔۔۔۔۔۔۔۔۔ میری والدہ ملتان میں ہیں ۔۔۔۔۔۔۔۔۔ اور شدید بیمار
ہیں ۔۔۔۔۔۔ ابو کا انتقال میرے بچپن میں ہی ہو گیا تھا ۔۔۔۔۔۔۔۔۔۔
جب تک امی ٹھیک ہونگی ۔۔۔۔۔۔۔۔۔ تمہاری شادی کسی اور سے ہوچکی ہوگی
۔۔۔۔۔۔۔۔ اور یہ میں بالکل نہیں چاہتا۔۔۔۔۔۔۔۔۔۔
وہ اسے اپنی مجبوری بتانے لگا ۔۔۔۔۔۔۔۔۔۔ وہ سوچ میں پڑھ گئی ۔۔۔۔۔۔۔۔۔۔۔
مجھے دو دن کی مہلت دو ۔۔۔۔۔۔۔۔۔۔۔ سہیل میں ابھی فیصلہ نہیں کر پا رہی
۔۔۔۔۔۔۔۔۔۔۔
ٹھیک ہے اب ہماری ملاقات دو دن بات ہی ہوگی ۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آج اس کی منگنی تھی ۔۔۔۔۔۔۔۔ اور وہ صبح صبح ہی اپنی والدہ کا زیور اورابو
کے اکاؤنٹ سے انکے جالی دستخط کر کے بیس لاکھ بھی نکال چکی تھی ۔۔۔۔۔۔۔۔
اور اب وہ ملتان جانے کے لئے اسکے ساتھ بس میں بیٹھی ہوئی تھی ۔۔۔۔۔۔۔۔۔۔۔۔
وہ محبت سے اس کا ہاتھ تھامے ہوئے تھا ۔۔۔۔۔۔۔۔۔۔۔ ملتان شہر پہنچ کر
اپنےگھر لے جانےکے بجائے وہ اسے ایک سستے سے ہوٹل لے آیا تھا ۔۔۔۔۔۔ اس کے
پوچھنے پر بولا ۔۔۔۔۔۔۔۔۔۔۔۔
یہ امی کے لئے شوکنگ نیوز ہوگی ۔۔۔۔۔۔۔۔۔۔۔ ذرا پہلے انہیں اعتماد میں لے
لوں ۔۔۔۔۔۔۔۔ پھرتمہیں لےجاؤں گا ۔۔۔۔۔۔۔۔۔۔۔۔۔۔۔۔
دونوں نے مل کر اکھٹے کھانا کھایا تھا ۔۔۔۔۔۔۔۔۔۔ اور پھر وہ اسے دلاسا
دیتا ہوا چلا گیا ۔۔۔۔۔۔۔ جب کافی سے زیادہ دیر ہو گئی تب اسے ہول اٹھنے
لگے ۔۔۔۔۔ لگاتار فون کرنے پر اور ٹیکس میسیجز پر بھی جب دوسری طرف سے جواب
موصول نہ ہوا تب وہ بری طرح گھبرا گئی ۔۔۔۔۔۔۔۔۔۔۔ اچانک دروازے پردستک کی
آواز پر وہ چونکی تھی ۔۔۔۔۔۔۔۔۔
کک کون ہے ۔۔۔۔۔۔۔۔۔
نورین میں ہوں دروازہ کھولو یار ۔۔۔۔۔۔۔۔۔
اتنی دیر کیوں لگا دی سہیل ۔۔۔۔۔۔۔۔۔۔۔۔۔
امی کو منا رہا تھا یار ۔۔۔۔۔۔۔۔۔۔۔۔۔۔۔ ویسے مبارک ہو تمہیں امی مان گئی
ہیں ۔۔۔۔۔۔۔۔۔۔۔۔۔۔۔۔۔ اسلئے میں تمہیں لینے آیا ہوں ۔۔۔۔۔ اپنا بیگ تیار
کر لو ۔۔۔۔ اور ہاں رقم اور زیور مجھے دے دو ۔۔۔۔ میں احتیاط سے اپنے پاس
رکھ لوں ۔۔۔۔۔۔۔۔جلدی کرو اس سے پہلے کہ امی کا موڈ بدل جائے ہمیں فوراً
چلنا چاہئے ۔۔۔۔۔۔۔۔
.......................................................
کیسا لگا میرا شاہکار مائی ۔۔۔۔۔۔۔۔۔۔۔۔
وہ سگریٹ کادھواں اڑاتا ہوا بول رہا تھا ۔۔۔۔۔۔۔۔۔۔ اور وہ بے ہودہ لباس
میں ادھیڑ عمرعورت اس کا سر سے پیر تک جائیزہ لےرہی تھی۔۔۔۔۔
جواب نہیں تمہارا ۔۔۔۔۔۔۔۔۔۔۔۔ واہ بھئی بڑا ہاتھ مارا ہے تم نے
۔۔۔۔۔۔۔۔۔۔۔
یہ تم مجھے کہاں لےآئے ہو ۔۔۔۔۔۔۔۔۔۔
وہ رو رہی تھی ۔۔۔۔۔۔۔۔۔۔۔
جنت میری جان ۔۔۔ جنت ۔۔۔۔۔۔
وہ لوفرانہ انداز میں بولا تھا ۔۔۔۔۔۔۔۔۔۔
ذلیل انسان ۔۔۔۔۔۔۔۔۔۔۔
وہ صدمے اور غصے کے عالم میں اس کی طرف بڑھی تھی ۔۔۔۔۔۔۔۔ اور تھپڑ مارنا
چاہا تھا ۔۔۔۔۔۔۔۔۔
نہ نہ میری جان یہ ستم مت کرنا ۔۔۔۔۔۔۔۔۔۔۔۔۔۔۔
اس نے نورین کا ہاتھ پکڑ لیا۔۔۔۔۔۔۔۔۔۔۔۔۔۔
مائی کتنے دوگی اس مال کے ۔۔۔۔۔۔۔۔۔۔۔۔
وہ صدمے سے اسے دیکھتی رہ گئی ۔۔۔۔۔۔۔
بیس ہزار ۔۔۔۔۔ نہ آگے نہ پیچھے ۔۔۔۔۔۔۔۔۔
مائی تو بھی نا ۔۔۔۔۔ چل دیا ۔۔۔۔۔۔۔۔۔۔۔۔ لیکن دیکھ پہلا گاہک میں ہونگا
اس بلبل کا ۔۔۔۔۔۔۔۔۔۔۔ منظور ہے تو بول ۔۔۔۔۔۔۔۔۔۔۔
چل منظور ہے ۔۔۔۔۔۔۔۔۔۔۔۔ سکندر(سہیل) تو بھی کیا یاد کریگا آج چھوری تیری
ہوئی رے ۔۔۔۔۔۔۔۔۔۔۔۔۔۔۔۔۔
وہ خباثت سے مسکرائی تھی ۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٍوہ بس میں بیٹھی تھی ۔۔۔۔۔۔۔۔۔۔ لٹی پٹی سی ۔۔۔۔۔ ماں باپ کی عزت کا جنازہ
نکال کر ۔۔۔۔۔۔ اپنی متاع حیات لٹا کر ۔۔۔۔۔ زخمی تار تار وجود کو ایک سفید
چادر میں چھپائے ہوئے۔۔۔۔۔۔۔۔ ایک مہینے بعد ہی اس کو موقع ہاتھ آگیا تھا
۔۔۔۔۔۔۔۔ ریڈ پڑی تھی اس گھر پر ۔۔۔۔۔ وہ اپنی طرح ہی کی ایک نادان لڑکی کے
ساتھ باہر نکلنے میں اور ان درندوں اور پولیس کی آنکھوں میں دھول جھوکنےمیں
کامیاب ہوئی تھی ۔۔۔۔۔۔۔۔۔۔۔۔۔۔۔
...................................................
کراچی کے بس اڈے پر اتر کر رکشہ میں بیٹھی تھی ۔۔۔۔۔۔۔۔۔۔ نارتھ ناظم آباد
رکشہ والے نے اسے اسکے گھر اتار دیا تھا ۔۔۔۔۔۔۔۔۔ کپکپاتے ہاتھوں سے بیل
بجانے پر جب قدموں کی چاپ گھر کے اندر سے سنائی دی تو دل کی دھڑکن تیز
ہوگئی ۔۔۔۔۔۔۔ لیکن گیٹ جیسے ہی کھلا تو ایک انجان چہرا سامنے تھا ۔۔۔۔۔۔۔۔
جی آپ کو کس سے ملنا ہے ۔۔۔۔۔۔
وہ پندرا سولہ سال کا لڑکا تھا ۔۔۔۔۔۔۔۔۔
ابو ۔۔۔۔۔۔۔۔۔ جی مم میرا مطلب ہے مجید صاحب گھر پر ہیں ۔۔۔۔۔۔۔۔۔۔
جی نہیں ان کا تو انتقال ہو گیا ہے۔۔۔۔۔۔۔۔۔۔
لڑکے کے جواب دینے سے پہلے اس کے پیچھے کھڑی خاتون نے جواب دیا ۔۔۔۔۔۔۔۔۔
جیییی ۔۔۔۔۔۔۔۔۔۔۔۔۔۔۔۔
وہ بس اتنا ہی بول پائی تھی۔۔۔۔۔۔۔۔ ابو کا مہربان شفیق چہرا آنکھوں کے
سامنے لہرایا تھا۔۔۔۔۔۔۔۔۔۔۔
بیچارے زندہ بھی کیسے رہتے ۔۔۔۔۔۔ ایک ہی اولاد تھی ۔۔۔۔۔۔۔۔۔ نالائق آوارہ
۔۔۔۔۔۔۔۔ عین منگنی والے دن بھاگ گئی ۔۔۔۔۔ باپ اسی دن دل کا دورہ پڑھنے سے
مر گیا بے چارا ۔۔۔۔۔۔۔۔۔۔۔ اور ماں صدمے سے پاگل ہوگئی ۔۔۔ چہہ۔۔۔۔ اگر
میری ایسی بیٹی ہوتی تو اپنے ہاتھوں سے زندہ دفن کر دیتی ۔۔۔۔۔۔۔۔۔۔۔۔۔۔۔۔
وہ اس وقت زلزلوں کی زد میں تھی ۔۔۔۔۔ تھکے تھکے وجود کے ساتھ پلٹی تھی
۔۔۔۔۔۔۔۔
ارے نام نہیں بتا یا آپ نے ۔۔۔۔۔۔۔۔۔۔
وہ عورت کے پوچھنے پر کوئی جواب نہ دیتے ہوئے تیز تیز چلتی ہوئی گلی سے
باہر نکل آئی ۔۔۔۔۔۔۔۔۔۔۔ اور اب سمندر کے کنارے کھڑی ہوئی اپنے کئے پر
ماتم کرتی ہوئی وہ بے آواز رو رہی تھی ۔۔۔۔۔۔ ندامت اور پچھتاے کی آگ میں
جلتی ہوئی ۔۔۔۔۔۔۔۔۔۔ وہ بس روئے جارہی تھی ۔۔۔۔۔ اس نے والدین اور محبت
میں سے محبت کو چنا تھا ۔۔۔۔۔۔۔۔ اور بے وقوف یہ بھول گئی تھی کہ ماں باپ
جتنی محبت اسے اس دنیا میں کوئی نہیں دے سکتا ۔۔۔۔۔۔۔۔۔۔سراب کے پیچھے
اندھا دھند بھاگی تھی مگر ہاتھ کیا آیا صرف خاک ۔۔۔۔۔۔۔۔۔۔۔۔ اپنے آشیانے
کو آگ لگا کر خود بھی راکھ ہوگئی تھی ۔۔۔۔۔۔۔۔ غلاظت میں لت پت وجود سے اسے
گھن آرہی تھی ۔۔۔۔۔ لیکن یہ غلاظت اس نے خود ہی تو ملی تھی اپنے وجود پر
۔۔۔۔۔ ماں سے جھوٹ بول کر ۔۔۔۔۔۔۔ اپنے والد کی عزت کو نیلام کر کے
۔۔۔۔۔۔۔۔۔۔ پھر تقدیر سے شکوہ کیسا ۔۔۔۔۔۔۔۔۔۔۔ اپنی تقدیر پر تو کالی
سیاہی اسی نے تو پھیری تھی ۔۔۔۔۔۔۔۔۔۔ جذبات میں آکر اور خود غرض بن کر اس
نے صرف اپنے بارے میں سوچا تھا ۔۔۔۔۔۔۔۔ اور ایک لمحے کو بھی والدین کا
خیال دل میں نہ آیا تھا کہ ان پر کیا بیتے گی ۔۔۔۔۔۔۔۔۔۔۔۔ اگر وہ غلط
انسان نہ نکلتا تو کیا وہ پلٹ کر اپنے والدین کا حال پوچھتی یا جاننے کی
کوشش کرتی نہیں کبھی نہیں ۔۔۔۔۔۔۔۔۔۔۔ ایسے لوگوں کا ایسا ہی انجام ہونا
چاہئے ۔۔۔۔ جو اپنی ذات کے علاوہ کسی کی فکر نہیں کرتے ۔۔۔۔۔۔۔۔۔۔ اور منہ
زور خواہشوں پر بند نہیں باندھتے انہیں کھلاچھوڑ دیتے ہیں ۔۔۔۔۔۔۔۔۔۔۔ آخر
کار پچھتاوے اور ندامت کے سوا ان کے پاس کچھ نہیں بچھتا ۔۔۔۔۔۔۔۔۔ بس الّلہ
کی طرف سے سزا کے حقدار ہوجاتے ہیں ۔۔۔۔۔۔۔۔۔۔ اور الّلہ کی گرفت بہت سخت
ہوتی ہے ۔۔۔۔۔۔۔۔۔۔۔ اور وہ بھی اس پاک ذات کی سخت گرفت میں آچکی تھی
۔۔۔۔۔۔۔۔۔۔۔ وہ روتی رہی اور بس مقدر میں یہی تو رہ گیا تھا اب اسکے
۔۔۔۔۔۔۔ مکافات عمل کی تو شروعات تھی اور تنہا پرخار طویل زندگی کی ابتدا
۔۔۔۔۔۔۔۔۔۔۔۔۔۔۔۔۔۔۔۔۔
ختم شد |
|