|
دنیا بھر کی افواج اپنا ایک ایسا اسپیشل یونٹ ضرور رکھتی
ہیں جو مخصوص حالات میں اپنی خدمات سرانجام دیتا ہے- عام طور پر اس یونٹ کی
خدمات اس وقت حاصل کی جاتی ہیں جب حالات بے قابو ہوجائیں اور دیگر فورسز
قانون کی عملداری کروانے میں ناکام دکھائی دیں-
|
|
|
|
ایسا ہی ایک اسپیشل یونٹ پاکستانی فوج میں موجود ہے جسے “ ایس ایس جی “ کے
نام سے جانا جاتا ہے- اور اس یونٹ میں موجود کمانڈو انتہائی خطرناک اور
ناقابلِ یقین صلاحیتوں کے مالک ہیں-
حال میں ہی معروف آسٹریلوی ویب سائٹ ’بزنس انسائڈر‘ نے دنیا کی بہترین
ایلیٹ فورسز کی درجہ بندی کی ہے-اور اس درجہ بندی کے لحاظ سے پاکستان کے
’’اسپیشل سروسز گروپ‘‘ یعنی ایس ایس جی کو دنیا کی سب سے بہترین ایلیٹ فورس
قرار دیا گیا ہے-
آسٹریلوی ویب سائٹ کے سروے کے مطابق “ پاکستان کے ایس ایس جی گروپ کے
کمانڈو انتہائی متاثر کن٬ تربیت یافتہ اور سختیاں برداشت کرنے کی صلاحیتوں
سے مالا مال ہیں اور ہر وقت مشکل حالات کا سامنا کرنے کے لیے تیار ہوتے ہیں“-
|
|
|
اسپیشل یونٹس کی اس درجہ بندی میں پہلے نمبر پر پاکستان کا ایس ایس جی گروپ٬
دوسرے نمبر پر اسپین کی ’نیول اسپیشل وارفیئرفورس‘ ٬ تیسرے نمبر پر روس کا
’الفا گروپ‘، چوتھے نمبر پر فرانس کا ’نیشنل گینڈار میری گروپ‘ پانچویں
نمبر پر اسرائیل کی ’سائرت متکال‘، چھٹے نمبر پر برطانیہ کی ’اسپیشل
ایئرسروس‘، ساتویں نمبر پر برطانیہ کی ’اسپیشل بوٹ سروس‘، آٹھویں نمبر پر
’امریکی نیوی سیل‘ اور نویں نمبر پر ’امریکی میرین‘ ہے۔ |