جرمن آرمی میں پہلی مرتبہ مسلم امام

دنیا بھر میں اسلام تیزی سے پھیل رہا ہے اور مغربی سازشوں کے باوجود مذہبِ اسلام کی مقبولیت میں کوئی کمی واقع نہیں ہوئی بلکہ اس کے برعکس مزید اضافہ ہی دیکھنے میں آیا جس کی ایک مثال ہمیں جرمن فوج کے ایک حالیہ فیصلے میں بھی دیکھنے کو ملتی ہے-

جہاں ایک جانب جرمنی کی فوج میں مسلمانوں ایک بڑی تعداد موجود ہے وہیں دوسری طرف اب فوج میں مسلم اماموں کو بھی شامل کرنے کا فیصلہ کیا گیا ہے-

جرمن دفاعی ادارے کے ترجمان کے مطابق “ اسلام جرمنی کا تیسرا بڑا مذہب ہے اور ہمارے خیال میں ہمارے مسلمان سپاہیوں کو ایک مذہبی رہنما کی ضرورت ہے“-

جرمن آرمی پہلے ہی اس بات کا بھی فیصلہ کرچکی ہے کہ وہ مغربی شہر Koblenz میں ایک مذہبی خدمات سرانجام دینے والا مرکز بھی قائم کرے گی-

جرمن آرمی میں اس وقت 1600 مسلمان فوجی بھی شامل ہیں جبکہ 1960 سے صرف چرچ ہی جرمن فوج کی مذہبی ہدایات دیتے آئے ہیں-

فرانس کے بعد مسلمانوں کی دوسری بڑی آبادی جرمنی میں رہائش اختیار کیے ہوئے ہے اور ان کی تعداد تقریباً 4 ملین بنتی ہے-

< Previous زلزلے کی صورت میں کیا احتیاطی تدابیر اختیار کرنی چاہئیں؟NEXT > اچانک نمودار ہونے والے ناقابلِ یقین جزیرے