سال 2015: دنیا کے مقبول ترین شہر

دنیا بھر میں گھومنا لوگوں کا پسندیدہ مشغلہ ہوتا ہے تاہم اچھی جگہوں کا انتخاب اتنا بھی آسان نہیں- لیکن یہ بھی حقیقت سے کہ سیاحت کے حوالے سے بہترین مقامات کا انتخاب وہاں آنے والے بین الاقوامی سیاحوں کی تعداد سے باآسانی کیا جاسکتا ہے- دنیا کے زیادہ تر سیاح پسندیدہ ترین تفریحی مقامات کا رخ کرتے ہیں-حال ہی میں ماسٹر کارڈ ک جانب سے 2015 کے لیے پسندیدہ ترین شہروں کی فہرست جاری کی گئی ہے۔ اس فہرست کی روشنی میں ہم یہاں آپ کو سیاحت کے حوالے سے سرفہرست دنیا کے مقبول ترین شہروں اور وہاں آنے والے بین الاقوامی سیاحوں کی تعداد کے بارے میں بتا رہے ہیں-

سیاحت کے حوالے سے دنیا کے مقبول ترین شہروں کی اس فہرست میں دسویں نمبر پر چین کا شہر ہانگ کانگ ہے- ہر سال 8.66 ملین بین الاقوامی سیاح اس شہر کا رخ کرتے ہیں-

فہرست میں نویں نمبر پر جنوبی کوریا کا شہر سیول ہے جو کہ اپنے متعدد سیاحتی مقامات کی وجہ سے دنیا بھر میں مشہور ہے- یہاں آنے والے بین الاقوامی سیاحوں کی تعداد سالانہ 10.35 ملین ہوتی ہے-

آٹھویں نمبر پر ملائیشیا کا شہر کولالمپور ہے اور یہ بھی بین الاقوامی سیاحوں کے لیے ایک انتہائی پرکشش مقام ہے- ہر سال یہاں آنے والے بین الاقوامی سیاحوں کی تعداد 11.12 ملین ہوتی ہے-

دنیا کا چھٹا پسندیدہ ترین شہر امریکہ کا نیویارک سٹی ہے- نیویارک سٹی آنے والے بین الاقوامی سیاحوں کی تعداد ہر سال 12.27 ملین تک جا پہنچتی ہے-

ترکی کے شہر استنبول کا شمار بھی سیاحت کے حوالے سے دنیا کی پسندیدہ ترین شہروں میں ہوتا ہے اور اس فہرست میں یہ شہر پانچویں پوزیشن پر ہے- ہر سال اس شہر کا رخ کرنے والے سیاحوں کی تعداد 12.56 ملین ہوتی ہے-

سیاحت کا ذکر ہو اور دبئی کا نام نہ آئے ایسا تو ممکن نہیں٬ اس فہرست میں دبئی چوتھی پوزیشن پر ہے جہاں ہر سال 14.26 ملین بین الاقوامی سیاح آتے ہیں-

فرانس کا دارالحکومت پیرس اپنے ایفل ٹاور کی وجہ سے تو مشہور ہے ہی لیکن یہ دنیا کا تیسرا پسندیدہ ترین شہر بھی ہے- ہر سال اس شہر کی سیر کو آنے والے سیاحوں کی تعداد 16.06 ملین ہوتی ہے-

دنیا کا دوسرا سب سے زیادہ پسند کیا جانے والا شہر تھائی لینڈ کا ہے جسے بنکاک کہتے ہیں- بنکاک میں پورا سال ہی سیاحوں کی آمد و رفت جاری رہتی ہے- یہاں آنے والے بین الاقوامی سیاحوں کی تعداد سالانہ 18.24 ملین ہوتی ہے-

اب باری ہے دنیا کے سب سے پسندیدہ ترین شہر کی ہے٬ تو یہ اعزاز حاصل کیا ہے برطانیہ کے شہر لندن نے جو کہ اسے ماسٹر کارڈ کی جانب سے دیا گیا ہے- ماسٹر کارڈ کے مطابق ہر سال 18.82 ملین بین الاقواقی سیاح لندن کا رخ کرتے ہیں-

< Previous دبئی: شاہانہ طرزِ زندگی٬ حیرت انگیز تصاویر NEXT > سوات کا “ سفید محل “ اور دلچسپ حقائق