|
حال ہی میں آسٹریلوی ماہرین کی ایک ٹیم نے سڈنی کے ساحل
سے کچھ فاصلے پر حادثاتی طور پر چار زیرِ آب آتش فشاں دریافت کیے ہیں-
جس مقام سے یہ آتش فشاں دریافت کیے گئے ہیں وہاں پر ماہرین کی ٹیم جھینگا
مچھلی کی افزائش نسل کے حوالے سے تحقیق کررہی تھی-
|
|
|
|
آسٹریلیا کی نیشنل سائنس ایجنسی سے تعلق رکھنے والی ٹیم کے اندازے کے مطابق
یہ آتش فشاں تقریباً پانچ کروڑ سال پرانے ہیں۔
زیرِ آب آتش فشاں آسٹریلیا کے شہر سڈنی کے ساحل سے تقریباً 250 کلومیٹر کے
فاصلے پر دریافت کیے گئے ہیں۔
ان چار آتش فشاؤں میں سے سب سے بڑے آتش فشاں کی بلندی 700 میٹر ہے اور یہ
ڈیڑھ کلومیٹر کے رقبے تک پھیلا ہوا ہے-
|
|
|
ماہرین کی جانب سے امید ظاہر کی جارہی ہے کہ اس نںی دریافت کی مدد سے نیوزی
لینڈ اور آسٹریلیا کے ایک دوسرے سے الگ ہونے کے بارے میں مفید معلومات حاصل
کی جاسکیں گی- اس کے علاوہ سائنسدان زمین کی اندرونی اور بیرونی پرت کو بھی
سمجھ سکیں گے۔ |