|
چینی ہماری روزمرہ کی خوراک کا ایک لازمی حصہ ہے اور ہم
اسے کھانے کی اشیا میں مٹھاس پیدا کرنے کے لیے استعمال کرتے ہیں- لیکن کیا
آپ اس بات سے واقف ہے کہ یہی چینی کچھ ایسے نقصانات بھی رکھتی جو آہستہ
آہستہ ہمیں موت کی جانب لے جاتے ہیں- آئیے اس میٹھی زہر سے پہنچنے والے چند
نقصانات پر ایک نظر ڈالتے ہیں-
چینی ذیابیطس کا سبب
یہ ایک طے شدہ حقیقت ہے کہ چینی کا اضافی استعمال آپ کو ذیابیطس کا شکار
بناسکتا ہے- ماہرین کے مطابق مختلف ذرائع سے اگر چینی استعمال کی جاتی ہے
اور یوں استعمال کرنے والے جسم میں اضافی ڈیڑھ سو کیلوریز جا پہنچتی ہے تو
اس میں ذیابیطس لاحق ہونا کا خطرہ بڑھ جاتا ہے-
|
|
|
|
خون کی شریانوں پر تناﺅ کی ایک وجہ چینی
چینی کے استعمال سے میں خون میں پائی جانے والی انسولین کی سطح میں اضافہ
ہوجاتا ہے جو کہ خون کی شریانوں پر تناؤ کا باعث بن جاتی ہے- اس صورت میں
انسان کو ہائی بلڈپریشر٬ فالج یا ہارٹ اٹیک ہونے کے خطرات میں اضافہ ہوجاتا
ہے-
چینی چربی کا باعث
چینی میں ایک مونو سکیرائیڈ ایک ایسا عنصر پایا جاتا ہے جو جسمانی اعضا پر
چربی پیدا کرنے کا باعث بنتا ہے اور کچھ عرصے کے بعد اسی عنصر کی بدولت
انسان فیٹی لیور نامی بیماری مبتلا ہوسکتا ہے-
|
|
|
چینی دل کے لیے بھی نقصان دہ
اگر چینی کا استعمال کم سے کم کرتے ہیں تو اس کا مطلب ہے کہ آپ اپنے دل کو
بھی محفوظ بنا رہے ہیں- ماہرین کے مطابق چینی کا اضافی استعمال آپ کو امراضِ
قلب میں مبتلا کر سکتا ہے-
توانائی میں کمی
چینی کھانے سے انسانی جسم مزید چینی کا مطالبہ کرتا ہے اور یہ مطالبہ شدت
اختیار کرتا رہتا ہے- یہی وجہ ہے کہ جب تک آپ کوئی میٹھی چیز استعمال نہ
کرلیں آپ کو ایسا محسوس ہوتا رہتا ہے کہ جیسے آپ میں توانائی کی کمی واقع
ہورہی ہے-
|
|
|
چینی کولیسٹرول بڑھا سکتی ہے
ماہرین کا کہنا ہے کہ ایسے افراد جو چینی زیادہ استعمال کرتے ہیں ان میں
کولیسٹرول کی سطح میں بھی اضافہ ہوجاتا ہے- اسی کولیسٹرول کی بدولت خون میں
خطرناک چربی پیدا ہوجاتی ہے جو کہ مختلف بیماریوں کا سبب بنتی ہے-
چینی سے چہرے کو نقصان
چینی خون میں شامل ہو کر ایسے خطرناک مالیکول کی تخلیق کا باعث بنتی ہے جو
آپ کی جلد پر جھریاں پیدا کرتے ہیں- اور انہی مالیکول کی بدولت آپ کی جلد
خشک اور لٹکی ہوئی محسوس ہوتی ہے-
|
|
|
چینی کے استعمال سے بھوک میں اضافہ
آپ کو یہ جان کر حیرت ہوگی کہ چینی کے استعمال سے دماغ کے وہ سگنلز متاثر
ہوتے جو آپ کو اس بات کا احساس دلاتے ہیں کہ آپ کا پیٹ بھرا ہوا ہے- لیکن
سگنلز کے متاثر ہونے کی صورت میں آپ یہی محسوس کرتے ہیں کہ مجھے بھوک لگی
ہے جبکہ آپ نے چاہے کچھ وقت پہلے پیٹ بھر کر کھانا کیوں نہ کھایا ہو-
|