|
سخن دان فیس بک پر موجود ایک ایسا گروپ ہے جس کے تمام
ممبر صرف شاعر ہیں اور یہاں عموماً غزلیں کہی جاتی ہیں- تاہم گزشتہ ہفتے 25
جولائی 2015 کو اس گروپ کی جانب سے کراچی میں ایک مشاعرے کا انعقاد کیا گیا-
اس مشاعرے میں گروپ ممبر شعراﺀ کے علاوہ دیگر مہمان شاعر بھی موجود تھے- اس
مشاعرے کی ایک خاصیت یہ تھی کہ یہ اس گروپ کا 50 واں مشاعرہ تھا اور لائیو
منعقد کیا جارہا تھا- اس سے قبل تمام مشاعروں کا انعقاد صرف فیس بک پیج تک
ہی رہا-
|
|
|
|
اس مشاعرے میں کے دو حصے تھے٬ ایک آن لائن جس میں مختلف شعراﺀ حضرات نے
اپنا کلام اسکائپ پر پڑھا اور سامعین سے داد وصول کی جبکہ دوسرا حصہ لائیو
یعنی مختلف شعراﺀ نے اسٹیج پر آ کر اپنے اشعار پڑھے اور حاضرین محفل سے داد
و تحسین وصول کی-
|
|
|
سخن دان کے مشاعرے کی نظامت کی خدمات جناب سید غضنفر علی اور جناب حنیف
پٹیل نے سرانجام دیں جبکہ تقریب کے مہمانِ خصوصی ڈسٹرکٹ ایجوکیشن آفیسر
ڈاکٹر مرزا ارشد بیگ تھے-
ہماری ویب کی جانب سے اس مشاعرے کی میڈیا کوریج کی گئی اور ہماری ویب
رائٹرز کلب کے انعقاد کے بعد کسی مشاعرے کی کوریج کے حوالے سے یہ ہماری ویب
کا پہلا عملی قدم تھا- اور ہماری ویب آئندہ بھی ادب کی خدمت کرنے والوں کی
کسی نہ کسی انداز میں حوصلہ افزائی کرتی رہے گی-
|
|
|
ہماری ویب نے اس موقع پر چند شعراﺀ حضرات سے خصوصی بات چیت بھی کی جن کا
کہنا تھا کہ اس طرح کی محافل کا انعقاد ہوتا رہنا چاہیے کیونکہ اس سے
سیکھنے کے مواقع میسر آتے ہیں-
|
| |
|
|