عام طور پر جب کوئی کمپنی فروخت ہوتی ہے اس کے مالکان
تمام رقم سمیٹ کر اپنی نئی منزل کی جانب رواں دواں ہوجاتے ہیں اور اپنے
سابقہ ملازمین کو بھی ایسے بھلا بیٹتھے جیسے کبھی ان سے تعلق ہی نہ تھا-
|
|
لیکن ترکی کی ایک کمپنی کے باس نے اپنی کمپنی کی فروخت سے حاصل ہونے والی
رقم کا کچھ حصہ اپنے ملازمین میں تقسیم کر کے نہ صرف ملازمین کو خوش کردیا
بلکہ دیگر کمپنی ملازمیں کے لیے ایک نئی مثال بھی قائم کردی ہے-
ترکی سے تعلق رکھنے والی ٹیکنالوجی کی مشہور کمپنی Yemekspeti کے مالک
نیوزات آئدین نے ایک جرمن کمپنی کو اپنی کمپنی 378 ملین پاؤنڈ میں فروخت
کردی-
ترک مالک نے جرمن کمپنی کی جانب سے حاصل ہونے والے 378 ملین پاؤںڈ میں سے
17 ملین پاؤںڈ اپنے 114 ملازمین تقسیم کردیے- اس طرح ایک ملازم کے حصے میں
152000 پاؤںڈ آئے جو کہ پاکستانی کرنسی کے مطابق تقریباً ڈھائی کروڑ روپے
بنتے ہیں-
|
|
ملازمین اپنے باس کی جانب سے اتنی بڑی رقم پا کر نہ صرف خوش ہوگئے بلکہ
ملازمین کی ان کی آنکھوں میں تو خوشی کے آنسو بھی اتر آئے-
دوسری جانب ترک باس کا کہنا ہے کہ “ کمپنی کی کامیابی میری اکیلے فرد کی
کامیابی نہیں ہے بلکہ یہ کامیابی ان ملازمین کے ساتھ مل کر حاصل کی گئی ہے-
اور میری خواہش ان ملازمین کو اس رقم سے بھی زیادہ رقم دینے کی تھی“- |