لوگوں میں موجود عام غلط فہمیاں اور ان کی حقیقت

ہمارے معاشرے میں آج کے جدید دور میں بہت سی ایسی باتیں گردش کر رہی ہیں جن کا حقیقت سے دور کا بھی واسطہ نہیں اور وہ صرف غلط فہمی سے زیادہ کچھ بھی نہیں- درحقیقت یہ باتیں یا معلومات صرف ایک دوسرے سے سن کر اور بغیر تصدیق کیے پھیلا دی گئی ہیں- لوگوں کے درمیان عام پائی جانے والی چند ایسی ہی غلط فہمیوں کا ذکر آج ہم اپنے اس آرٹیکل میں کریں گے جنہیں سائنس نے بالکل بےبنیاد قرار دیا ہے-
 

لوگوں کے درمیان ایک تصور اور عام ہے کہ ٹماٹروں اور آلوؤں میں پایا جانے والا مونو سوڈیم گلوٹامیٹ سر درد کا باعث بنتا ہے- لیکن سائنسدانوں کو اس بات کا کوئی ثبوت نہیں ملا اور یہ صرف ایک سنی سنائی بات ہے جس کی کوئی نشانی موجود نہیں-
 

زبان کے بارے میں بھی لوگ یہی سمجھتے ہیں کہ زبان کا ہر حصہ الگ ذائقہ محسوس کرتا ہے لیکن حقیقت یہ ہے کہ پوری زبان ہی ہر طرح کے ذائقے کو محسوس کرنے کی صلاحیت رکھتی ہے-
 

لوگوں کی ایک غلط فہمی جو انہیں بعض اوقات خطرناک نقصان بھی پہنچاتی ہے وہ یہ کہ 24 گھنٹے سے قبل لاپتہ شخص کی رپورٹ پولیس اسٹیشن میں نہیں کروائی جاسکتی- یہ حقیقت نہیں ہے آپ کسی بھی وقت گمشدگی کی رپورٹ دائر کرواسکتے ہیں-
 

عام طور پر لوگ سمجھتے ہیں کہ نمک کو پانی میں شامل کرنے سے پانی جلد ابل جاتا ہے- لیکن سائنسدانوں کا کہنا ہے کہ اس عمل کا نتیجہ برعکس نکلتا ہے یعنی نمک کو پانی میں شامل کرنے سے پانی مزید دیر سے ابلے گا-