|
قوالی کے شہنشاہ نصرت فتح علی خان کی آج 67ویں سالگرہ
منائی جارہی ہے اور اس موقع پر دنیا کے مقبول ترین سرچ انجن گوگل نے نصرت
فتح علی خان کو خصوصی طور پر خراجِ تحسین پیش کرنے کے لیے اپنا ایک گوگل
ڈوڈل متعارف کروایا ہے-
|
|
|
|
پاکستان کے معروف قوال نصرت فتح علی خان 13 اکتوبر 1948 کو پنجاب کے شہر
فیصل آباد میں پیدا ہوئے اور ان کا تعلق بھی ایک پنجابی خاندان سے ہی تھا-
قوالی کے شہنشاہ کہلانے والے نصرت فتح علی خان نے قوالی کے شعبے کو ایک نئی
جدت سے روشناس کروایا جسے دنیا بھر میں پسند کیا گیا- نصرت فتح علی خان ایک
بین الاقوامی قوال تھے اور انہوں نے دنیا بھر میں اپنے فن کے جوہر دکھائے-
نصرت فتح علی خان کی متعدد مشہور قوالیاں آج بھی سنی جاتی ہیں اور پسند کی
جاتی ہیں-
|
|
|
|
گنیز بک آف ورلڈ کے مطابق نصرت فتح علی خان کے دنیا میں سب سے زیادہ البم
ریلیز ہوئے جن کی تعداد 125 تھی-
تاہم نصرت فتح علی خان زیادہ طویل عمر نہ پاسکے اور 17 اگست 1997 کو صرف 48
برس کی عمر میں اس دارِ فانی سے کوچ کر گئے-
|