لاہور: برطانوی دور میں تعمیر کی جانے والی پرکشش عمارات

لاہور کا شمار پاکستان کے قدیم ترین شہروں میں ہوتا ہے اور اس کی تاریخ 2 ہزار سال سے بھی زائد پرانی ہنے- لاہور شہر برطانوی دور کی تاریخی نشانیوں سے بھرپور ہے جن میں قابلِ ذکر اس دور میں تعمیر کی جانے والی شاندار عمارات ہیں- یہ خوبصورت عمارات کئی دہائیاں گزرنے کے باوجود آج بھی اپنی اصلی حالت میں موجود ہیں-

لاہور کے مال روڈ پر واقع جنرل پوسٹ آفس جس کی عمارت دیکھنے میں کسی شاندار میوزیم سے کم نہیں لگتی- یہ عمارت ملکہ وکٹوریہ کی 50ویں سالگرہ کے موقع پر تعمیر کی گئی تھی-

یہ شاندار عمارت لاہور میوزیم کی ہے جس میں پاکستان کی تاریخ کا ایک بہت بڑا حصہ محفوظ ہے-

ایچی سن کالج کا شمار لاہور کے سب سے زیادہ شہرت رکھنے والے تعلیمی اداروں میں ہوتا ہے- ایچی سن کالج کی عمارت بھی ایک یادگاری اور تاریخی عمارت ہے جو دیکھنے سے تعلق رکھتی ہے-

یہ حیرت انگیز عمارت لاہور میں واقع مایو اسکول آف آرٹس کی ہے جو کہ اب نیشنل کالج آف آرٹس بن چکا ہے-

لاہور میں واقع یہ عمارت فاطمہ جناح میڈیکل کالج کی ہے جسے گنگا رام ہاسپٹل کے نام سے بھی جانا جاتا ہے اور یہی اس کا اصلی نام بھی ہے- یہ عمارت 1921 میں سر گنگا رام اگروال نے انسانی خدمت کے لیے تعمیر کروائی تھی-

یہ تاریخی عمارت لاہور کے گورنمنٹ کالج یونیورسٹی کی ہے اور دیکھنے میں لندن کے پارلیمنٹ ہاؤس کی مانند لگتی ہے-

یہ لاہور کا میو اسپتال ہے جو کہ 1871 میں تعمیر کیا گیا- یہ پاکستان کا سب سے بڑا اور قدیم اسپتال ہے-

یہ پنجاب یونیورسٹی کا پرانا کیمپس ہے اور یہ شاندار عمارت بھی برطانوی دور سے تعلق رکھتی ہے-

یہ لاہور ہائی کورٹ کی عمارت ہے جو کہ 1877 میں تعمیر کی گئی تھی-

یہ لاہور کا St. Anthony’s کالج ہے جو کہ St. Anthony’s چرچ کے ساتھ ملحقہ ہے- یہی وہ کالج ہے جہاں پاکستان کے وزیراعظم میاں محمد نواز شریف نے ابتدائی تعلیم حاصل کی تھی-