Ajh Kal Eshq Karna Bhut Hee
Asaan Hu Gia Ap On Line Hun Ya Off Line Ap Line Maar Saktein Hein Iss Kay Liye
Kuch Zayda Himat Huslay Ki Koi Zarorat Nahi Balkay Ashiq Hunay Kay Liye App Kay
Pass Bhut Saa Fazool Time Huna Behad Zarori Hay Iss Kay Liye Ju Zarorri Samaan
Darkaar Hay Uss Ki Fahrist Hum Aap Ko Bana Detay Hein Ek Adad Sim,Mobile
Fone,Internet Kay Ghantay,Masbat Soch Say Khali Demagh,Dheet Pan,Bhut Hee Zarori
Cheez Mahino Par Mushtamil Bhut Saa Fazool Time,Jhoot Mein Maharat,Raat Ko Uloo
Ki Tara Jaghnay Ki Adat Ap Har Achi Baat Ek Kaan Say Sun Kar Dosray Say Nikaal
Denay Mein Maher Hun,Kici Bee Zimadaree Say Nafrat Hu,Taleem Bas Wajhbee See Hu
Bas Text Likh Sakein Or Par Sakein,,,Agar Ap Kay Pas Technology Or Mazkoora
Khubhiaan Wafer Miqdaar Mein Mojhudh Hein Tu Jaan Lijiye Kay Aap Iss Dour Kay
Behtreen Aashiq Ban Saktay Hein Or Duniya Ki Koi Baat Koi Tana Koi Soch Aap Ko
Rok Nahi Sakty Isiliye Aap Ek Mukamal Ashiq Ban Saktay Hein Ju Kay Ap Ko Dosron
Kay Liye Ek Misaal Yaa Jalnay Walay Jisay Ebrat Kahein Wo Ban Saktay Hein.Iss
Mein Aap Kaa Kuch Zayda Nahi Jaye Ga Bas Time Umar Or Pasa Laghay Ga Magar Jis
Rutbay Par Aap Faiz Hu Saktay Hein Wo Dosron Ko Ap Say Hasad Mein Mubtelaa Kar
Sakta Hay Aap Janatay Hee Hein Kay Har Kamiyaab Insaan Say Jalna Iss Duniya Ka
Wateerra E Khaas Hay .,,Har Haseena Par Mar Mit Taa Hun Ye Kaam Mein Basaani Kar
Sakta Hun,,,,,Iss Douraan Ap Ki Pitaiee Ya Ruswaiee Bee Hu Sakty Hay Ruswaiee Ka
Aap Ko Zayda Asar Nahi Hu Ga Jaha Tak Baat Pitaiee Ki Hay Wo Zakhm Bee Waqt Kay
Sath Sath Bhar Jatay Hein Bas Aap Ki Sabit Qadmaee Ye Baat Tay Karay Ge Kay Aap
Konsay Grade Kay Ashiq Hein .Aap Kay Ghar Walay Aap Ko Bhut Samjhaein Gay Magar
Asay Time Aap Kay Dono Kaan Aap Kay Kaam Ayein Gay....Shama Kahay Parwanay Say
Yahan Nahi Aa Wo Nahi Sunta Uss Ko Jal Jana Huta Hay,,,,,Qun Kay Ashiq Har Gham
Khushi Say Beygana Huta Hay .Agar Aap Ashiq Ban Chuckay Hein Tu Yaad Rakhiye Ga
Ubh Aap Par Mosamon ,,Naseehaton,,Lalton ,,Ghonson Kaa Koi Asar Nahi Huna Chaiye
,,,Qun Kay Aa Hee Jata Hay Jis Par Dil Ana Huta Hay,,,,,,,Hum Koi Love Guru Ya
Danishwar Tu Hein Nahi Kay Aap Ko Sahi Say Guide Kar Sakaein Par Humaree Iss
Tehreer Ko Aap Mashal E Rah Zror Samjhiye Ga Fer Kabi Himat Hui Tu Hum Ashiqon
Kaa Acha Sa Tarana Likh Kar Dein Gay Ju Yaqeenan Aashiqon Ki Duniya Mein Ek Eham
Sangh A Meel Hu Ga.