|
اکثر پاکستانی نوجوانوں کے نزدیک جینز کو پسند کرنے کی
ایک بڑی وجہ یہ ہوتی ہے کہ یہ تین سے چار روز تک آرام سے چل سکتی ہے صرف
شرٹ تبدیل کیجیے اور دوستوں میں نکل جائیے- لیکن اب ایک ایسی جینز بھی
ایجاد کرلی گئی ہے جسے نہ تو دھونے کی ضرورت ہوگی اور نہ ہی یہ میلی ہوگی-
|
|
|
|
اوڈو لائن ڈینم نامی ایجاد کردہ نئی جینز کو آپ جتنے دن چاہیں پہن سکتے ہیں
کیونکہ نہ تو یہ میلی ہوگی اور نہ ہی اس میں سے بو آئے گی۔
جینز تیار کرنے والی کمپنی نے دعویٰ کیا ہے کہ اگر ایک سال سے قبل اس جینز
میں بغیر دھوئے بو پیدا ہوجائے تو وہ خریدار کوئی نئی جینز مفت فراہم کریں-
درحقیقت اس نئی جینز کی تیاری میں ایک ایسے سلور دھاگے کا استعمال کیا گیا
ہے جو اپنے اوپر گرنے والی ایسی اشیا کو رکنے ہی نہیں دیتا جو داغ لگنے یا
بو پیدا کرنے کا سبب بنتی ہیں-
چاہے اس جینز پر کوئی جوس گرے یا پھر کافی یا چائے٬ کچھ بھی اس جینز کے
کپڑے جذب نہیں ہوگا بلکہ بہہ جائے گا-
کمپنی کے مطابق سلور دھاگا جراثیم کش خصوصیات کا حامل ہے اور یہی وجہ ہے کہ
جینز پر داغ نہیں لگ سکتے ہیں اور نہ ہی بو پیدا ہوسکتی ہے-
|
|
|
|
یہ انوکھی جینز رواں سال مئی یا جون میں مارکیٹ میں محدود اسٹاک کے ساتھ
دستیاب ہوگی جبکہ اس کی ابتدائی قیمت 109 ڈالر رکھی گئی ہے-
|