پاکستان: یوٹیوب سے پابندی اٹھا لی گئی٬ معاہدہ طے

حکومتِ پاکستان نے ویڈیو شئیرنگ کی معروف ویب سائٹ سے پابندی اٹھا لی ہے- پاکستانی حکومت کی جانب سے یوٹیوپ پر یہ پابندی ستمبر 2012 میں گستاخانہ مواد شائع کرنے کے باعث عائد کی گئی تھی-
 

وزرات برائے انفارمیشن ٹیکنالوجی (آئی ٹی) کے مطابق یہ پابندی یوٹیوب سے ایک معاہدہ طے پائے جانے کے بعد ہٹائی جارہی ہے- اس معاہدے کے تحت یوٹیوب آئندہ اپنی سائٹ پر موجود ناپسندیدہ یا گستاخانہ مواد پاکستان کی درخواست پر فوری ہٹانے کا پابند ہوگا-

وزرات برائے انفارمیشن ٹیکنالوجی (آئی ٹی) کی جانب سے پاکستان ٹیلی کمیونیکیشن اتھارٹی (پی ٹی اے) کو ملک بھر میں یوٹیوب بحال کرنے کے احکامات جاری کر دیے گئے ہیں-

دوسری جانب پی ٹی اے نے بھی گستاخانہ مواد ہٹائے جانے کے حوالے سے سپریم کورٹ کو آگاہ کردیا ہے-
 

واضح رہے کہ گزشتہ دنوں یوٹیوب کی جانب سے یوٹیوب کا پاکستانی ورژن بھی متعارف کروایا گیا ہے-

کیا آپ حکومتِ پاکستان کے اس فیصلے سے متفق ہیں؟ کیا واقعی یوٹیوب انتظامیہ اس معاہدے کی پاسداری کرے گی؟ آپ کی رائے؟