دنیا کا سب سے زہریلا جانور

کیا آپ دنیا کے سب سے زہریلے جانور کے بارے میں جانتے ہیں؟ یقیناً اس سوال کے جواب کئی قسم کے ہوں گے لیکن ہم ایک بات یقین سے کہہ سکتے ہیں کہ اس سوال کا درست جواب بہت کم لوگوں کے پاس ہوگا کیونکہ دنیا کا ایک بڑا طبقہ اس سے ناواقف ہے-
 

جی ہاں دنیا کا سب سے زہریلا ترین جانور Textile Cone نامی ایک ایسا سمندری گھونگا ہے جو دیکھنے میں انتہائی معصوم معلوم ہوتا ہے لیکن حقیقت میں انتہائی خطرناک ہے-

یوں تو اس گھونگے کے پاس اپنے شکار کو دبوچنے کے لیے کئی ہتھیار موجود ہیں لیکن اس کا سب سے خطرناک ہتھیار اس کا زہریلا ڈنک ہے جس کی مدد سے یہ اپنا زہر اپنے شکار کے اندر پہنچا کر اس کا اعصابی نظام مفلوج کردیتا ہے-

شکار کا اعصابی نظام اس حد تک مفلوج ہوجاتا ہے کہ یہ گھونگا اسے آسانی کے ساتھ اپنی خوراک بنا سکتا ہے-
 

اس گھونگے کے دانت مسلسل بڑھتے رہتے ہیں جبکہ یہ عموماً مچھلیوں کو اپنا شکار بناتے ہیں- لیکن یہ اگر کسی انسان کو کاٹ لیں تو بروقت اسپتال نہ پہنچنے کی صورت میں اس کی بھی موت واقع ہوسکتی ہے جبکہ کسی انسان کو کاٹنے کے اس گونگے کا تھوڑا سا زہر بھی کافی ہے-