آدھی سے زیادہ رات بیت چکی تھی ۔۔۔۔۔ جمال
شاہ ابھی تک گھر سے باہر تھے ۔۔۔۔۔ وہ بھی آصف حاجی کے ساتھ ۔۔۔ اور یہی
بات اسے پریشان کر رہی تھی ۔۔۔۔۔ سمینہ سے آصف حاجی کی اصل حقیقت جان کر وہ
جمال کے لئے بہت فکرمند ہوگئی تھی ۔۔۔۔۔
آخر یہ آصف حاجی چاہتا کیا ہے ۔۔۔۔۔۔۔۔۔۔۔ جمال سے دوستی کے پیچھے اس کا
مقصد کیا ہے ۔۔۔۔۔ بیچاری سمینہ میں اسے کتنا غلط سمجھتی تھی ۔۔۔۔ جمال
صحیح کہتے ہیں ۔۔۔۔۔ کسی کے لباس سے اس کی شخصیت کا اندازہ نہیں لگایا
جاسکتا ۔۔۔۔۔ آج ہی جمال کو آصف کی حقیقت کا بتا دونگی ۔۔۔۔۔ تاکہ وہ محتاط
رہیں ۔۔۔۔۔
وہ لونگ روم میں ٹہلتے ہوئے یہی سب کچھ سوچے جارہی تھی ۔۔۔۔ اس بات سے بے
خبر کے اس کے اپنے خلاف بساط بچھا دیگئی تھی اور اس کے اپنوں کو اس کے خلاف
مہرے کے طور پر استعمال کیا جا رہا تھا ۔۔۔۔۔۔۔۔۔ جس کی اسے بھنک بھی نہیں
پڑھنے دی گئی تھی ۔۔۔۔ دشمن شاطر اور چالاک تھا ۔۔۔۔۔ اور وہ معصوم ۔۔۔۔
پورچ میں مخصوص گاڑی کے ٹائیروں کی چرچراہٹ پر اس نے سکون کا سانس لیا تھا
۔۔۔۔۔۔۔۔ جمال آچکے تھے ۔۔۔۔۔۔۔ خیریت سے تھے اور یہی بات اس کے لئے باعث
اطمینان کا سبب تھی ۔۔۔۔۔۔۔۔ مین ڈور کی ڈپلیکیٹ چابی جمال کے پاس بھی تھی
۔۔۔۔۔۔ مگر پورچ سے مین ڈور تک قدموں کی دھمک ایک الگ ہی جمال کا پتا دے
رہی تھیں ۔۔۔۔۔ دھڑ سے دروازہ کھلا تھا وہ مسکراتے ہوئے آگے بڑھی تھی مگر
دروازے میں کھڑے جمال کے چہرے پر نظر پڑ تے ہی ٹھٹک کر وہیں رک گئی تھی
۔۔۔۔ یہ وہ جمال نہیں تھے ۔۔۔۔ جمال کے تو انگ انگ سے اس کے لئے محبت
پھوٹتی تھی ۔۔۔۔۔۔۔۔۔ وہ تو محبت کا سمندر تھے جس کے سوتے کبھی خشک نہیں پڑ
سکتے تھے یہ اس کا ماننا تھا ۔۔۔۔ مگر اس جمال شاہ کے چہرے پر نفرت اور اس
کے لئے کراہت کا عجیب احساس نقش تھا ۔۔۔
جمال سب ٹھیک ہے نا ۔۔۔۔۔۔۔۔۔۔ کیا ہوا ۔۔۔۔۔۔۔۔
میں سوچ بھی نہیں سکتا تھا ۔۔۔۔ لیکن خیر اب تمہاری حقیقت مجھ پر کھل چکی
ہے ۔۔۔۔۔۔۔۔۔ کاش تم میری زندگی میں کبھی نہ آتیں کاش ۔۔۔۔۔ لیکن نہیں غلطی
بھی میں نے کی ہے اسے سدھارونگا بھی میں ہی ۔۔۔۔ ہاں ۔۔۔۔
وہ اس سے زیادہ شاید خود ہی سے مخاطب تھے ۔۔۔۔ وہ حیرت سے انہیں دیکھ رہی
تھی ۔۔۔۔ ان کے الفاظ ہتوڑے کی طرح دل اور ذہن پر برس رہے تھے ۔۔۔۔۔۔۔۔ وہ
تیزی سے ان کے قریب آئی تھی ۔۔۔۔۔
کک کیا کہہ رہے ہیں آپ ۔۔۔۔۔۔۔۔ مجھے کچھ سمجھ نہیں آرہا ہے ۔۔۔۔۔۔۔۔
اس نے ان کا ہاتھ تھامنا چاہا تھا ۔۔۔۔۔ مگر انہوں نے نفرت سے جھٹک دیا
۔۔۔۔۔۔۔۔۔
تم نے میری زندگی تو برباد کرہی دی ہے ۔۔۔آصف اور اس کی بیوی کے پیچھے کیوں
پڑگئیں ۔۔۔۔۔
آصف اچھا آدمی نہیں ہے ۔۔۔۔۔ ضرور اسی نے آپ کو بہکایا ہے میرے خلاف ۔۔۔۔۔
بکواس بند کرو اپنی ۔۔۔۔۔ اب میں تمہارے جھانسے میں نہیں آسکتا ڈائن ۔۔۔۔۔
سمینہ کا جو حال کیا ہے آج تم نے وہ دیکھ کر تو کبھی بھی نہیں ۔۔۔۔۔۔۔۔۔۔
خدا کا شکر ہے وہ بچ گئی ورنہ میں خود کو کبھی معاف نہیں کرپاتا ۔۔۔۔۔۔۔۔۔۔
مم میں نے ۔۔۔سس سمینہ کو ۔۔۔۔ کک کیا کیا ہے میں نے ۔۔۔۔۔۔۔۔۔۔
وہ حیرت سے بولی تھی ۔۔۔۔ تو ایک قہر بھری نگاہ اس پر ڈالی تھی انہوں نے
۔۔۔۔۔۔۔۔۔ اور نفرت سے گویا ہوئے تھے ۔۔۔۔
یہ ڈرامے کسی اور کے سامنے کرنا ۔۔۔۔۔ مجھ پر تمہارا جادو اب نہیں چل سکتا
۔۔۔۔۔ تمہیں اپنی خوبصورتی بڑھانے کے لئے خون چاہئے ہوتا ہے اور اس دفعہ
سمینہ تمہارا انتخاب تھی ۔۔۔۔۔۔۔۔۔۔ لیکن اللہ کا شکر ہے ہم بروقت پہنچ گئے
۔۔۔۔ اور وہ بچ گئی ۔۔۔۔۔
آپ سوچ بھی کیسے سکتے ہیں کہ میں ایسا کرسکتی ہوں ۔۔۔۔
تم کھلے عام غیر مردوں کی بانہوں میں بانہیں ڈال کر اوچھی حرکتیں کرسکتی ہو
۔۔۔ تو تم کچھ بھی کر سکتی ہو ۔۔۔۔
ان کی باتیں سن کر سر تھام لیا تھا ۔۔۔۔۔۔۔ اسے کچھ سمجھ نہیں آرہا تھا
۔۔۔۔۔ جمال نے اب اس کے کردار پر انگلی اٹھائی تھی ۔۔۔۔۔ دل میں عجیب سا
درد اٹھا تھا ۔۔۔۔۔ وہ مضبوط اعصاب کی مالک تھی مگر ان کی کٹیلی باتوں نے
اسے اندر سے توڑ مروڑ کر رکھ دیا تھا ۔۔۔۔۔۔
مم میرا اعتبار کرو جمال ۔۔۔۔۔۔۔۔۔۔۔ خدا کے لئے ۔۔۔۔۔۔۔۔۔ مم میں فاطمہ کی
قسم کھا کر کہتی ہوں یی یہ میں نے نہیں کیا ۔۔۔۔۔۔۔۔۔
فاطمہ کو بیچ میں مت لائو ۔۔۔۔۔۔۔ اور خبردار اس کی جھوٹی قسم کھائی تو
۔۔۔۔ نکل جاؤ میرے گھر سے ۔۔
میں ۔۔۔۔ میں تمہیں طلاق دیتا ہوں ۔۔۔۔۔۔۔
جمال !۔۔۔۔۔۔۔۔۔۔۔۔
حسین آنکھیں آنسوؤں سے لبریز ۔۔۔۔۔۔۔۔۔۔ سکتے کی سی کیفیت ۔۔۔۔۔۔۔۔۔۔۔
کچھ دیر یونہی پھٹی پھٹی آنکھوں سے وہ انہیں دیکھتی رہی ۔۔۔۔۔۔ وہ بھی نفرت
اور دنیا جہاں کی حقارت لئے اسے کچھ پل یونہی دیکھتے رہے تھے ۔۔۔۔۔
میں تمہیں بقائمی ہوش و حواس کے طلا ۔۔۔۔۔۔۔۔۔۔
ٹہھرو جمال ! اس سے آگے ایک لفظ نہیں بولنا ۔۔۔۔۔۔۔۔۔۔۔ آپ مجھے طلاق دینا
چاہتے ہیں تو ٹھیک ہے ۔۔۔۔ لیکن شرائط اب میری ہونگی ۔۔۔۔۔۔۔۔۔۔ اور اگر آپ
کو منظور ہے تو ٹھیک ورنہ میں فاطمہ کوبھی اپنے ساتھ لے جائونگی اور آپ
اچھی طرح جانتے ہیں آپ مجھے روک نہیں پائینگے ۔۔۔۔۔
کیا مطلب ۔۔۔۔۔۔۔۔۔
وہ چونکے تھے ۔۔۔۔۔۔۔۔۔۔۔ ان کے چونکنے پر وہ مسکرائی تھی ۔۔۔۔۔۔ اور طنزیہ
انداز میں انہیں دیکھا تھا ۔۔۔۔۔۔۔۔
ایک طلاق تو آپ مجھے دے چکے ہیں ۔۔۔۔۔۔۔۔۔۔ لیکن باقی کی دو طلاقیں آپ پر
حقیقت واضح ہونے کے بعد ۔۔۔ ور نہ اس سے پہلے اگر آپ نے مجھے طلاق دی تو
اپنی بیٹی کی شکل بھی کبھی نہیں دیکھ پائینگے ۔۔۔۔
بےبے فاطمہ کے ساتھ ہمیشہ رہینگیں ۔۔۔۔ اس کی پرورش انہی کے ہاتھوں ہوگی
۔۔۔۔ ورنہ آپ نے تو مجھے برا بنا ہی دیا ہے مجھے انتہائی قدم اٹھانے سے آپ
تو کیا کوئی بھی نہیں روک سکتا ۔۔۔۔۔۔۔۔۔۔
وہ کچھ دیر خاموش ہوئی تھی ۔۔۔۔۔۔۔۔۔۔ خالی خالی نظروں سے انہیں دیکھا تھا
۔۔۔۔۔۔۔۔۔ پھر ایک دم بڑی بڑی کالی چمکدار آنکھیں سفید روشنی سےبھر گئیں
تھیں اور دیکھتے ہی دیکھتے وہ ان کی نظروں کے سامنے ہی غائب ہوگئی تھی
۔۔۔۔۔۔۔۔۔
×××××××××××××××
وہ تقریباً اس واقع کے دو ہفتے بعد ہی واپس لوٹ آئے تھے ۔۔۔۔۔۔۔۔۔ حیرت کی
بات یہ تھی کہ بے بے نے ان سے حوریہ سے متعلق کوئی سوال نہیں کیا تھا
۔۔۔۔۔۔۔ اور وہ بھی خاموش رہے کچھ نہ بولے ۔۔۔۔۔۔ انہیں اس بات کا ڈر بھی
تھا کہ کہیں حوریہ فاطمہ کو ان سے چھین کر نہ لے جائے ۔۔۔۔۔۔۔۔ اگر وہ ایسا
کرتی تو کیا بگاڑ سکتے تھے اس کا وہ ۔۔۔ کچھ بھی تو نہیں ۔۔۔۔۔۔۔۔۔۔۔ لیکن
حوریہ نہ کبھی پھر ان کے سامنے آئی اور نہ کبھی بے بے نے اس کا ذکر تک کیا
۔۔۔۔۔ لیکن جب فاطمہ کے ساتھ بھی وہی کھیل کھیلا گیا اور جب وہ اس سے بھی
بدگماں ہوئے تب قدرت نے حقیقت ان پر واضح کردی تھی ۔۔۔۔۔۔۔۔۔ اور آصف حاجی
کی اصلیت ان پر آشکار ہوگئی ۔۔۔۔۔ تب حوریہ مل بھی جاتی تب بھی اس کا سامنا
کرنے کی حمت ان میں نہیں تھی ۔۔۔۔۔۔۔۔۔
جب دل سے دل کی راہ جدا ہو
قربت میں بھی اجنبیت کی پیمائش ہو
جب خلوص پر شک کی نظر پڑھ جائے تو
تب وفا کی کہاں دلوں میں افزائش ہو
رقیبوں کے ساتھ مراسم اگر بڑھ جائیں تو
رشتوں میں خلوص کی کہاں گنجائش ہو
تھکے قدموں سے ہار کر سب کوئی چلا تو
پھر رونا کیسا پچھتانا کیسا تم پر بھی تو کچھ آزمائش ہو
انا کو مار کر دیکھو تم ایک بار ہار کر تو دیکھو
محبوب کے دل میں بھی تو کچھ ستائش ہو
مگر وہ محبوب تو بہت دور نہ جانے کہاں چلا گیا تھا ۔۔۔۔۔۔۔ اب یہی پچھتاوے
ان کی زنگی کے ساتھ جڑھ گئے تھے اور یہ خوف بھی کہیں پرورش پا رہا تھا کہ
اگر روٹھا سجن مل بھی گیا تو کیا وہ انہیں معاف کردے گا ۔۔۔۔ واقئی کمان سے
نکلا تیر اور زبان سے نکلی بات لوٹائے نہیں جاسکتے ۔۔۔۔۔۔۔۔۔۔ اور جمال شاہ
نے اپنے آشیانے کو آگ خود لگائی تھی جس کی لپیٹ میں ان کی اپنی دو نسلیں
بھی آگئیں تھیں ۔۔۔۔۔۔۔۔۔۔۔
××××××××××××××
با با ۔۔۔۔ بابا
کیا بات ہے شمشیر ۔۔۔۔۔۔۔۔۔۔ کیا ہوا ۔۔۔۔۔
وہ آنکھیں ملتے ہوئے باہر نکلے تھے۔۔۔۔۔
ایک چھوٹا سا بچہ اس فارم ہاؤس کے ساتھ بنے چھوٹے سے بنگلے کے دروازے پر
کھڑا دروازہ کھٹکھٹا رہا تھا ۔۔۔۔ تقریباً سات آٹھ سال کی عمر ہوگی کاندھے
پر ایک لمبی عورت کو گٹھری کی طرح اٹھائے ہوئے تھا ۔۔۔ ابھی رات کا آخری
پہر تھا ۔۔۔۔۔۔۔۔ کسی کی نظر اس چھوٹے سے بچے پر پڑ جاتی تو الٹے قدموں دوڑ
لگا دیتا ۔۔۔ بھلا ایک چھوٹا سا بچہ بڑی سے عورت کو کاندھے پر اٹھا کر مزے
سے یوں گھوم سکتا ہے بھلا ۔۔۔۔ بہر حال وہ باہر نکل چکے تھے ۔۔۔۔۔
ارے یہ کون ۔۔۔۔۔۔۔
پتا ہوتا تو لاتا آپ کے پاس ۔۔۔۔۔۔۔ اسلئے تو لایا ہوں نا ۔۔۔۔۔۔
اچھا بھئی ملی کہاں آپ کو ۔۔۔۔۔۔۔۔۔۔۔
اجی آدھی رات کو ڈبکیاں لگا لےرئیں تھے خالہ اماں ندی مئی ۔۔۔۔۔۔۔۔۔۔۔ وہیں
سے نکال کوو لایا مئیں ِ۔۔۔۔۔۔۔۔۔۔
اچھا اندر لے کر چلو انہیں کسی نے باہر دیکھ لیا تو مسئلہ پڑھ جائے گا نا
میاں ۔۔۔ تم تو پھر سے غائب ہوجاؤگے ۔۔۔مجھ غریب کی گردن پھنسے گی ۔۔۔۔۔۔۔۔
وہ پورا دروازہ کھولتے ہوئے بولے تھے اس سے تو وہ اپنے سفید دانتوں کی
نمائش کرتا ہوا اس عورت کو کاندھے پر ڈالے اندر داخل ہوا تھا انکے ساتھ
۔۔۔۔۔۔۔۔۔۔۔۔
×××××××××××
باقی آئندہ ۔۔۔۔۔۔۔۔۔۔۔۔ |