سنیئہ چپ چاپ سوفے پر بیٹھی تھی ۔۔۔۔۔
سامنے رکھا ٹی وی آن تھا ۔۔۔۔۔۔ اس کا پسندیدہ شو آن ائیر آرہا تھا مگر اس
کا ذہن اور دل کہیں اور ہی لگا ہوا تھا ۔۔۔۔ وہ عائیشہ کو سوچ رہی تھی ۔۔۔۔
اماں بی کی یوں ناگہانی موت نے عائیشہ کو بالکل بدل کر رکھ دیا تھا مگر وہ
سنئیہ اور ککو کے لئے وہی عائیشہ تھی ۔۔۔ان کے لئے ہونٹوں پر ہر دم شفیق
مسکراہٹ رقصاں رہتی تھی ۔۔۔ مگر نہ جانے ان دو ہفتوں میں کیا ہوا تھا کہ اس
کی پیاری بہن یکسر ہی بدل گئی تھی ۔۔۔۔ بہت چپ چپ سی رہنے لگی تھی ۔۔۔۔ بات
بات پر غصہ آجاتا تھا ۔۔۔۔ بہت مضطرب سی لگنے لگی تھی ۔۔۔ پتا نہیں کیا بات
تھی جو اندر سے اسے کھائے جا رہی تھی ۔۔۔دیمک کی طرح چاٹ رہی تھی ۔۔۔۔۔۔
کافی بنادوں سنئیہ بی بی ۔۔۔۔۔۔۔
ہم جی ۔۔۔۔ مگر اکیلے نہیں پیونگی آپ کو بھی میرا ساتھ دینا پڑیگا ۔۔۔۔۔۔
ککو کے پوچھنے پر وہ اپنی سوچوں کے بھنور سے نکل آئی ۔۔۔ اور مسکرا کر
انہیں جواب دیا تھا ۔۔۔۔۔۔۔۔۔ کچھ دیر میں ہی کافی بنا کر ککو لے آئیں
۔۔۔۔۔
سنئیہ بی بی !
جی ککو کہئے ۔۔۔۔۔۔
ایک بات ہے جو مجھے کافی عرصے سے کھٹک رہی ہے ۔۔۔۔۔۔۔۔ یہ عائیشہ بی بی نے
کام کو کچھ زیادہ ہی سر پر سوار کر لیا ہے لگتا ہے ۔۔۔ بہت چپ چپ رہنے لگی
ہیں ۔۔۔۔۔۔۔۔۔ کوئی بات کرو تو ہوں ہاں سے زیادہ بات نہیں کرتیں ۔۔۔۔۔
یہ بات تو مجھے بھی ککو پریشان کر رہی ہے ۔۔۔۔۔۔۔ آپ جانتی ہیں وہ ایسی
نہیں ہے ۔۔۔۔۔۔۔ وہ ہم دونوں سے زیادہ مضبوط اعصاب کی مالک ہے ۔۔۔۔۔۔۔ اور
اماں بی کے بعد جس طرح آپ اور مجھے اور اس کاروبار کو سنبھالا ہے۔۔۔۔ اتنا
حوصلہ کم از کم میں تو نہیں دکھا سکتی مگر اب نا جانے کیا بات ہوئی ہے ۔۔۔۔
وہ ایسا بی ہیو کیوں کر رہی ہے ۔۔۔۔۔ ہر بات بھی تو اندر رکھ کر بیٹھجانے
کی عادت ہے اسے ۔۔۔۔۔ پریشانی کا سبب پوچھو تو محترمہ ایک ہی بات کہہ کر چپ
کرا دیتیں ہیں ۔۔۔۔۔ کچھ بھی تو نہیں ۔۔۔ الحمداللہ ۔ یہ بھی کوئی بات ہوئی
بھلا ۔۔۔۔
ککو کی بات سن کر وہ فوراً ہی نان اسٹاپ شروع ہوگئی تھی ۔۔۔۔۔۔۔۔۔ اور
عائیشہ کی نقل اتار نے لگی ۔۔۔ ککو بےاختیار مسکرا دیں ۔۔۔ اس گھر کی
رونقیں سنئیہ ہی کے دم سے تو تھیں جو ہر قسم کے حالات میں بھی چہچہانہ نہیں
بھولتی تھی ۔۔۔۔
ہارن کی مخصوص آواز پر وہ دونوں چونکی تھیں ۔۔۔۔۔۔۔۔۔ گیٹ کھلنے اور گاڑی
کے اندر آنے پر وہ دونوں مین ڈور کی طرف دیکھنے لگیں ۔۔۔۔۔ کچھ ہی پل بات
مین ڈور کا دروازہ کھلا تھا اور عائیشہ دنیا جہاں کی سنجیدگی چہرے پر سجائے
نمودار ہوئی تھی ۔۔۔۔۔۔۔۔۔۔
اسلام و علیکم ! تمہاری تبعیت کیسی ہے اب سنئیہ ۔۔۔۔
وہ دونوں کو سلام کرتے ہوئے فکرمندی سے سنئیہ سے بولی تھی ۔۔۔۔۔
وعلیکم اسلام ! بھئی مجھے کیا ہوا ہے بالکل فٹ فاٹ ہوں ۔۔۔۔ بس ایسے ہی ڈما
مارنے کا دل چاہا تو بہانہ بنا دیا ۔۔۔۔
سنئیہ تم بھی حد کرتی ہو ۔۔۔ تمہاری ہاؤز جوب چل رہی ہے اور تم اس طرح کی
حرکتیں کررہی ہو ۔۔۔۔
سنئیہ کی بات سن کر وہ تنبیہی انداز میں اسے دیکھتے ہوئے بولی تھی ۔۔۔۔۔
یار میں انسان ہوں ایک طرح کی روٹین سے اکتا گئی تھی ۔۔۔تمہاری طرح مشینی
زندگی نہیں گزارنی مجھے ۔۔۔بس کام کام کام بس اور کچھ نہیں ۔۔۔۔۔ یہ بھی
کوئی زندگی ہے بھلا ۔۔۔۔۔۔۔۔۔۔۔
سنئیہ اس کی بات سن کر لڑاکا عورتوں کی طرح کمر پر ہاتھ رکھے اس سے جراح کی
تھی تو عائیشہ بے ساختہ مسکرا دی ۔۔۔۔ اور اسے مسکراتا دیکھ کر ککو نے دل
ہی دل میں اللہ سے اسے سدا مسکراتا دیکھنے کی دعا مانگی تھی ۔۔۔۔۔۔
کھانا لگا دوں ۔۔۔۔۔۔۔۔
جی ککو ۔۔۔۔۔۔ آپ لوگوں نے کھایا کچھ ؟
ارے تمہارے بغیر حلق سے نوالہ اترے گا کیا ۔۔۔۔۔۔۔۔۔۔ تمہارا ہی انتظار کر
رہے تھے ۔۔۔۔۔ آؤ گی تو ہی کھائینگے نا ۔۔۔۔
سنئیہ پھر شروع ہوگئی تو وہ مسکرا دی ۔۔۔۔۔۔۔۔۔۔
میں ذرا فریش ہوکر آتی ہوں جب تک آپ کھانا گرم کر لیں ۔۔۔
××××××××××
میں جانتی ہوں ۔۔۔۔ میری خاموشی میری جان سے زیادہ عزیز گڑیا کو اور ککو کو
پریشان کر رہی ہے ۔۔۔۔ لیکن میں بے بس ہوچکی ہوں ۔۔۔ جو حقیقت مجھ پر کھل
چکی ہے اس کے بعد بھلا میں کیسے ۔۔۔۔ میں لاکھ کوشش کروں مگر اپنے اندر کی
کڑواہٹ کو ختم کرنہیں پا رہی ۔۔۔۔۔
سنئیہ ککو تو سو گئی تھیں مگر میں جاگ رہی تھی ۔۔۔ دو ہفتوں سے نیند نہ
ہونے کے برابر رہ گئی تھی ۔۔۔۔ اور مجھے اب سنئیہ کی فکر بھی ساتھ کھائے جا
رہی تھی ۔۔۔جو لوگ میری ماں سے جڑے ہر رشتے کے دشمن بن چکے تھے اور انہیں
نقصان بھی پہنچا چکے تھے ۔۔۔ وہ لوگ میری بہن سنئیہ اور ککو کو بھی نقصان
پہنچا سکتے تھے ۔۔۔۔ جو میں قطعی نہیں چاہتی تھی ۔۔۔۔۔ سنئیہ اور ککو کی
سیفٹی سب سے پہلی ترجیح تھی ۔۔۔ اور میں جانتی تھی کہ مجھے اب کیا کرنا ہے
۔۔۔۔ فیصلہ میں کرچکی تھی جو شاید میرے حق میں تو نہیں مگر ککو اور سنئیہ
کے لئے بہترین فیصلہ تھا ۔۔۔۔۔۔۔۔۔
××××××××××××××
یہ تم کیا کہہ رہی ہو ۔۔۔۔۔ ابھی سے میری شادی ۔۔۔ ککو سنا آپ نے عائیشہ
محترمہ کیا فرما رہی ہیں ۔۔۔
وہ غصے سے بولی تھی ۔۔۔۔ اور میں پرسکون انداز میں مسکرا کر اسے دیکھنے لگی
تھی۔۔۔۔۔۔۔۔۔۔۔
بیٹا چھوٹا منہ بڑی بات ۔۔۔ شادی تو تمہاری پہلے ہونا چاہئے ۔۔۔۔ آپ بڑی
ہیں ۔۔۔۔
وہ بھی تین سال ککو ۔۔۔۔ یہ تین سال بڑی ہے مجھ سے ۔۔۔۔۔
ککو کے کہنے پر سنئیہ ہاتھ ہوا میں نچاتے ہوئے بولی تھی ۔۔۔۔
اس سے کیا فرق پڑتا ہے ککو ۔۔۔۔ اکبر ماموں کے واقع کے بعد ہی میں نے سوچ
لیا تھا کہ پہلے ان محترمہ کی شادی خانہ آبادی کے بعد ہی اپنے بارے میں
سوچونگی ۔۔۔۔۔
کوئی دیکھ رکھا ہے کیا ۔۔۔۔۔۔۔۔۔
سنئیہ بغور مجھے دیکھتے ہوئے بولی تھی ۔۔۔۔۔۔۔۔۔۔۔
ہاں ۔۔۔ اور تمہاری شادی کے بعد ہی ہم شادی کرسکتے ہیں ۔۔۔۔۔۔۔۔
ارے واہ جھوٹ بھی بولنا سیکھ گئی ہو عائیشہ ۔۔۔۔
یہ سچ ہے سنئیہ ۔۔۔
میں نے دل کڑا کر کے جھوٹ بولا تھا ۔۔۔۔۔ وہ مجھے غور سے دیکھے جارہی تھی
۔۔۔
کب سے چل رہا ہے یہ سلسلہ ۔۔۔۔۔۔۔۔۔۔
آخر اس نے یقین کرہی لیا تھا ۔۔۔۔۔۔۔۔
اس لئے تو تمہاری شادی کرنا چاہتی ہوں سنئیہ ۔۔۔۔۔ کچھ پروبلمز ہیں ۔۔۔ اس
کا کہنا ہے کہ پہلے میں تمام ذمہ داریوں سے آزاد ہوجاؤں پھر شادی کا
سوچینگے ۔۔۔۔
تو کیا میں فقط ایک بوجھ ہوں عائیشہ تمہارے لئے ۔۔۔۔۔
وہ ڈھیر سارا پانی آنکھوں میں لئے مجھ سے پوچھنے لگی تھی ۔۔۔۔۔ ساری شوخی
ہوا ہوگئی تھی ۔۔۔۔ اس کی بڑی بڑی آنکھوں میں ایک کرب سا سمٹ آیا تھا جو
مجھے بھی اندر سے کاٹنے لگا تھا ۔۔۔ مگر یہ کڑوی گولی تو نگلنی تھی ہی ہر
حال میں اور میں جانتی تھی سیدھے طریقے سے وہ میری بات نہیںمانے گی ۔۔۔اس
لئے یہ ڈھونگ رچایا تھا ۔۔۔۔۔ میں اس کی بات سن کر خاموشی سے دوسری طرف
دیکھنے لگی تھی ۔۔۔۔ ایسا پوز کیا جیسے واقعی وہ میرے لئے ایک بوجھ سے
زیادہ کچھ نہیں ہے ۔۔۔۔۔۔۔۔۔
تم جہاں کہو میں شادی کے لئے تیار ہوں عائیشہ ۔۔۔۔۔۔۔ تم موت کو بھی گلے
لگانے کو کہوگی تو میں لگانے کو تیار ہوں ۔۔۔۔۔۔۔۔۔۔ مگر یہ مت بھولنا کبھی
کہ میں تمہیں بے تہاشہ چاہتی ہوں اور ہمیشہ چاہتی رہونگی ۔۔۔ اماں بی کو
میں کھو چکی ہوں لیکن تمہیں کسی حال میں کھونا نہیں چاہتی ۔۔۔۔۔۔۔
یہ کہہ کر تیزی سے اپنے قدم کمرے کی طرف بڑھا دئے تھے ۔۔۔۔ اور میں اپنی
پیاری گڑیا کی بات سن کر کھڑے کھڑے ہی ڈھے گئی تھی ۔۔۔۔۔۔۔۔۔ وہ نہیں جانتی
تھی کہ آنے والا کل ہمارے درمیان ایک خلیج حائل کردے گا ۔۔۔۔۔۔۔ ایک نہ ختم
ہونے والی جدائی کا کرب رہ جائے گا درمیان اور بس ۔۔۔۔۔۔
×××××××××
باقی آئندہ ۔۔۔۔۔۔۔ |