یوسی براؤزر اور ہواوے آنر کی شراکت داری٬ اسمارٹ فون جیتنے کا موقع

علی بابا موبائل بزنس گروپ کی پراڈکٹ یوسی براؤزر نے پاکستانی صارفین کو اس رمضان میں موبائل فون کا بہترین استعمال فراہم کرنے کیلئے پاکستان کے نامور موبائل برانڈ ہواوے آنر سے شراکت داری کا اعلان کیا ہے۔

اس ضمن میں ہواوے آنر یوسی موبائل کی جانب سے #UCRamadan کی مہم کا حصہ بنے گا۔ اس مہم کا اعلان یوسی براؤزر کی جانب سے رمضان کے آغاز میں کیا گیا تھا۔ اب یوسی براؤزر کے صارفین ایک دلچسپ ویب گیم ’’Lighten the New Moon‘‘بھی کھیل سکیں گے اور اس کے ساتھ ساتھ وہ ہواوے آنر 5xسمارٹ فون بھی جیت سکیں گے۔
 

ہواوے کے نائب صدر کرس سنبیگانگ نے کہا کہ رمضان المبارک شکر گزاری کا مہینہ ہے ۔ ہم اس مہینے اپنے صارفین کو پاکستان کے بہترین موبائل فون براؤزر یوسی براؤزر کے ساتھ مل کر ایک دلچسپ اور بہترین موبائل گیم کھیلنے کیلئے پیش کریں گے۔ انہوں نے کہا کہ ہمیں اس بات کا خیال اس وجہ سے آیا جب ہم نے یہ نوٹ کیا کہ رمضان المبارک میں موبائل فون کا استعمال بڑھ جاتا ہے۔ اس لئے ہم نے سوچا کہ اپنے صارف کی طبع تفریح کیلئے کچھ ایسا تخلیق کیا جائے کہ جس سے وہ موبائل فون کو استعمال کرتے ہوئے فائدہ اٹھا سکے۔

اُن کا کہنا تھا کہ ہواوے آنر کو خوشی ہے کہ وہ پاکستان میں یوسی براؤزر استعمال کرنے والوں کو 20موبائل فون بذریعہ قرعہ اندازی دے گا، جس سے ایک طرف اگر صارف کا شکریہ ادا ہوگا تو دوسری جانب اس مبارک مہینے میں اس کو خوشی دینے کا سامان بھی ہو جائیگا۔

یوسی براؤزر اور ہواوے اپنے صارفین کو بہترین خدمات مہیا کرنے کے حوالے سے پر عزم ہیں۔ رمضان المبارک کے حوالے سے یوسی براؤزر موبائل ایپ میں سپیشل رمضان کارڈ٬ سحر٬ افطار اور نماز کے اوقات کے پُش نوٹیفکیشن کے بعد اب موبائل فون صارفین کیلئے موبائل گیم بھی پیش کر دی گئی ہے۔