رات دیر تک جاگنے کے بھی فوائد

انسان سونے کے لیے اپنی مرضی کا وقت کا انتخاب کرسکتے ہیں اور وہ رات گئے تک جاگنے یا جلد سو کر علی الصبح اٹھ سکتے ہیں۔ جلد اٹھنے والے صبح جلدی اٹھتے ہیں جبکہ رات گئے تک جاگنے والے علی الصبح تک خوشی سے جاگتے ہیں۔ اب علی الصبح جاگنے کے اپنے فوائد ہیں مگر یہاں رات گئے تک جاگنے والوں کا ذکر کریں گے جن کے بارے میں طبی سائنس نے متعدد فوائد گنوائے ہیں۔ تو یہاں ڈان نیوز کے توسط سے جانیں کہ طبی سائنس ایسے افراد کے بارے میں کیا کہتی ہے۔
 

زیادہ وقت کا حصول
اگر آپ دیر سے اٹھتے ہیں تو آپ کو ایسا احساس ہوتا ہے کہ آپ کے پاس کاموں کے لیے زیادہ وقت ہے، کم از کم ایک تحقیق میں تو یہی کہا گیا ہے، تحقیق کے مطابق ایسے افراد اپنے کاموں کو مکمل کرنے میں کامیاب رہتے ہیں کیونکہ وہ رات گئے تک اس پر لگے رہتے ہیں۔

نیند کا لچکدار شیڈول
نیند کا لچکدار شیڈول کئی بار کافی مددگار ثابت ہوتا ہے، رات گئے تک جاگنے والوں کے لیے کسی بھی وقت نیند کا حصول ایک مقررہ وقت پر سونے کے عادی افراد کے مقابلے میں آسان ہوتا ہے اور یہی وجہ ہے کہ وہ ہر جگہ مطابقت پیدا کرنے میں کامیاب ہوجاتے ہیں۔