جو گن

 ارے زینب!اٹھ جا بیٹا سارا دن یہاں پڑی رہتی ہے،،، زینب نے ایک لمحے اماں کو دیکھا،،اور پھر سے ٹکٹکی باندھ کر آسمان کی طرف دیکھنے لگی،،، جیسے کسی کو کھوج رہی ہو،،،،،دیکھ زینب جو بھی بات ہے بتادے مجھے،،،کیوں گم سم رہتی ہے،،، میں ماں ہو تیری مجھے بتاکیا بات ہے؟ اماں نے بے چارگی سے کہا،، جوان بیٹی کی یہ حالت برداشت سے باہر تھی،،، زینب پر کوئی اثر نہ ہوا،،، شاید اسے اپنی محویت میں یہ خلل پسند نہیں آیا تھا،،،،، کچھ دن سے زینب کی یہی حالت تھی،،، صبح سویرے سیڑھیوں پر بیٹھ جاتی،،،اور آسمان کو تکنے لگتی،،رات کااندھیرا چھا جاتا،پر اس کی محویت نہ ٹوٹتی،،،،،،،،،،،،،،، اے بہن!لگتا ہے اس پر جادو کروا دیا کسی نے،، مجھے تو لگتا ہے اس پر سایہ ہے،، پڑوس میں رہنے والے اپنی اپنی رائے دیتے،،،سب آوازیں زینب کے کانوں میں پڑتی،،پر نہ تو نظروں کا زاویہ بدلتا،،،نہ ہی چہرے کا،،،،، بس کر زینب،،نہ مجھے جیتے جی مار،، لوگ کیسی کیسی باتیں کرتے ہیں،،، ہماری عزت خاک میں نہ ملا،،،، اماں کہتے ہوئے رونے لگی،،،زینب کی آنکھوں سے بھی آنسو بہے،،،پر نظروں کا زاویہ نہ بدلا،،،ایسے جیسے کہ خوف ہو کہ نظریں اٹھائی تو کوئی روٹھ جائے گا،،،،،،،،،ڈرامے کرتی ہے،،بتا کس کے عشق میں جوگ لگائے بیٹھی ہے،،،بھائی نے مارا،،پر زینب کے لب نہ کھولے،،، تھک ہار کر اسے اس کے حال پر چھوڑ دیا،،،،،،زینب کی نمازیں طویل ہو گئیں،،، سجدے میں جاکر اٹھنا بھول جاتی،،،ایک نماز کے بعد دوسری کا وقت آ جاتا،،،پر پہلی نماز کے سجدے ختم ہونے میں نہ آتے،،،اماں زبردستی جائے نماز پر سے اٹھاتی،،،،،،،،،،،،، زینب میری بچی کچھ کھا لے،،، دیکھ تو نہیں کھائے گی تو میں بھی نہیں کھاؤں گی،،،اماں نے لاڈ سے کہا،،،،،،،،،نہیں اماں آپ کھا لو مجھے جانا ہے،،، تیاری کرنی ہے مجھے سفر کی،،،،،،،،،،، اچھا بیٹا جہاں جانا ہو پھر چلی جانا،،،پہلے کچھ کھا لے،،،،ماں نے بیٹی کے بالوں میں ہاتھ پھیرتے ہوئے کہا،،،نہیں اماں! وقت کم ہے ،،، بس تیاری کرنے دیں،،،،،،زینب اٹھی اور جائے نماز بچھا کر سجدے میں گر گئی ۔ اماں کے آنسوں بہنے لگے،،، وہ سمجھ گئ،،کہ زینب کس کا جوگ لے بیٹھی تھی ،،،اماں نے آگے بڑھ کر زینب کو ہلایا،،، زینب ایک طرف لڑھک گئی،،،، وہ اپنے آخری سفرپر جا چکی تھی،،،،،،،،
Mini
About the Author: Mini Read More Articles by Mini: 57 Articles with 48868 viewsCurrently, no details found about the author. If you are the author of this Article, Please update or create your Profile here.