اساتذہ کی وہ اقسام جو ہر تعلیمی ادارے میں ضرور ہوتی ہیں

پاکستانی طالبعلموں کی طرح پاکستانی اساتذہ میں بھی کئی اقسام پائی جاتی ہیں- خود آپ نے بھی اپنی اسکول یا کالج لائف میں مختلف اقسام کے رویوں کے حامل اساتذہ دیکھے ہوں گے- بعض اوقات کچھ اساتذہ تو انتہائی نرم رویے کے مالک ہوتے ہیں جبکہ چند ایسے سخت ہوتے ہیں انہیں دیکھ کر ہی طالبعلم کی جان نکلنا شروع ہوجاتی ہے- یہی وجہ ہے کہ ہم نے یہاں اساتذہ کے عام رویوں کے اعتبار سے چند مختلف اقسام کے اساتذہ کا ذکر کیا ہے- یہ آرٹیکل یقیناً آپ کو تعلیمی دور کی یادیں تازہ کروا دے گا:

وہ جو کبھی نہیں مسکراتے!
شکل تو اچھی بھلی ہے لیکن پھر بھی جانے کیوں ان کے چہرے پر مسکراہٹ نہیں آتی-

سب کے پسندیدہ اور چہیتے ٹیچر!
ان سے طالبعلم بہت پیار کرتے ہیں مگر ایسے اساتذہ بہت کم ہوتے ہیں-

فضول مذاق کر کے کلاس کو ہنسانے کی کوشش!
بعض اساتذہ فضول مذاق کر کے کلاس کو ہنسانے کی ناکام کوشش کرتے بھی دکھائی دیتے ہیں٬ سمجھ نہیں آتا کہ یہ بولنا کیا چاہ رہے ہیں آخر؟

پورے سال کا سلیبس ایک ہی کلاس میں ختم!
وہ اساتذہ بھی ہوتے ہیں جو پورے سال کا سلیبس ایک ہی کلاس میں ختم کروانے کی کوشش کرتے رہے ہیں- ایسا لگتا ہے سب سے آج ہی پڑھانا٬ کل ہو نہ ہو-

لڑکیوں سے ہمدری اور لڑکوں سے بلاوجہ نفرت کرنے والے!
آپ نے بھی اکثر ایسے اساتذہ دیکھیں ہوں گے جنہیں لڑکیوں سے ہمدری اور لڑکوں سے بلاوجہ نفرت ہوتی ہے- یقیناً پڑھنے والے اس سے اتفاق کر رہے ہوں گے-

اپنی کامیابی کی داستان سنانے والے اساتذہ!
چند اساتذہ ایسے بھی ہوتے ہیں جو اپنی کامیابی داستانیں سناتے نہیں تھکتے جیسے کہ “ جب میں تمہاری عمر کا تھا تو روز صبح پیدل 10 میل دور اسکول جاتا تھا--- اسٹریٹ لائٹس میں پڑھائی کرتا تھا----- گولڈ میڈلسٹ تھا میں----“-