پاکستان کے وہ گلیشیرز جن کا نظارہ ہر کسی کی خواہش

ریگستان٬ پہاڑ٬ سمندر٬ خوبصورت جھیلوں اور گلیشیرز سمیت پاکستان ہر قسم کے قدرتی عجائبات سے بھرپور ہے- اگر ہم صرف گلیشیرز کی بات کریں تو یہ میٹھے پانی کے حصول کا سب سے اہم ذریعہ ہوتے ہیں اور پاکستان اس نعمت سے بھی مالا مال ہے- اگرچہ موسمیاتی تبدیلیوں نے گلیشیرز کو بھی بڑی حد متاثر کیا ہے لیکن آپ ان کے خاتمے سے قبل انہیں ہمارے آج کے آرٹیکل میں دیکھ سکتے ہیں- آج کے آرٹیکل میں ہم آپ کو پاکستان میں موجود چند خوبصورت اور حسین گلیشیرز کے بارے میں بتائیں گے-

Baltoro Glacier
بالتورو گلیشیر دنیا کے سب سے لمبے گلیشیرز میں سے ایک ہے- یہ گلیشیر 63 کلومیٹر تک پھیلا ہوا ہے- اس گلیشیر تک رسائی پاکستانی علاقے گلگت بلتستان کے ذریعے ہی ممکن ہے- یہی گلیشیر دریائے شگر کو جنم دیتا ہے-

Passu Glacier
یہ گلیشیر پاکستان کے پاسو گاؤں کے جنوب میں واقع ہے- یہ گلیشیر متعدد دوسرے گلیشیرز کے ساتھ منسلک ہے- یہ پاکستان کے ان خوبصورت مقامات میں سے ایک جہاں کے نظارے سیاحوں کے سحر انگیز ثابت ہوتے ہیں-

Panmah Glacier
یہ گلیشیر گلگت بلتستان کے وسطی قراقرم نیشنل پارک میں واقع ہے- اور اس گلیشیر کی خوبصورتی اور دلکشی دیکھنے سے تعلق رکھتی ہے جو لفظوں میں بیان کرنا ناممکن ہے-

Batura Glacier
اس گلیشیر کی لمبائی 53 کلومیٹر ہے اور یہ دنیا کا دوسرا طویل رقبے پر پھیلا گلیشیر ہے- یہ گلیشیر گلگت بلتستان کے علاقے گوجال کی بٹورہ وادی میں واقع ہے- یہ بھی پاکستان کا ایک سحر انگیز مقام ہے-

Godwin-Austen Glacier
یہ گلیشیر کے ٹو پہاڑ کے انتہائی قریب واقع ہے- یہ گلیشیر بالتورو گلیشیر کے ساتھ منسلک ہے اور خوبصورت گلیشیر کی سیر کے لیے آپ کو سکردو کے علاقے سے گزرنا ہوتا ہے-

Biarchedi Glacier
یہ گلیشیر بھی بالتورو گلیشیر کے ساتھ واقع ہے لیکن یہ اس کے شمال میں ہے- تاہم اس گلیشیر کا کچھ حصہ شمال مشرق میں بھی واقع ہے- یہ حقیقی معنوں میں ایک شاندار گلیشیر ہے-