چھوٹا سا آملہ کئی بڑے فوائد کا مالک

آملہ کو انگریزی زبان میں Gooseberry کہا جاتا ہے اور یہ ایک ایسا پھل ہے جو وٹامن سی سے بھرپور ہوتا ہے- عام طور پر لوگ یہ سمجھتے ہیں کہ آملہ صرف بالوں کے لیے فائدہ مند ہے لیکن حقیقت میں اس کے متعدد قیمتی فوائد ہیں- آملہ جلد کے لیے بھی بہترین ہے اور نظامِ ہضم کے لیے بھی- اگرچہ یہ ذائقے میں کڑوا ہوتا ہے اور ہر کوئی اسے پسند نہیں کرتا لیکن اس کے فوائد دیکھتے ہوئے اسے لازمی اپنی استعمال کرنا چاہیے- اسے کئی طریقوں سے استعمال کیا جاسکتا ہے٬ اس کا اچار بھی ڈالا جاتا ہے اور مربہ بھی بنایا جاتا ہے-
 

بالوں کے لیے فائدہ مند
بالوں سے تعلق رکھنے والی متعدد مصنوعات میں آملہ استعمال کیا جاتا ہے کیونکہ یہ بال بڑھنے کے عمل کو تیز کرتا ہے- اس کے علاوہ بالوں کو موٹا اور مضبوط بھی بناتا ہے- یہی وجہ ہے کہ دنیا بھر میں آملے کا تیل عام استعمال کیا جاتا ہے-

عمر میں اضافہ
بعض اوقات اوکسیڈنٹس اور چند دیگر عوامل کی بنا پر آپ اپنی عمر سے کئی زیادہ بڑی عمر کے دکھائی دیتے ہیں- لیکن آملہ میں پائے جانے والے اینٹی اوکسیڈنٹس جوان دکھائی دینے میں مدد فراہم کرتے ہیں- یہ ہمارے جسم کو مختلف شعاعوں اور سورج کی روشنی کے مضر اثرات سے محفوظ رکھتے ہیں-

نظامِ تنفس
آملہ کو گزشتہ چند سالوں سے نظامِ تنفس کی خرابیوں کو دور کرنے کے لیے بھی استعمال کیا جارہا ہے- آملہ کا استعمال ہربل دوائیوں میں کیا جاتا ہے کیونکہ یہ سردی اور کھانسی سے محفوظ رکھتا ہے جس کی وجہ اس میں پائی جانے والی وٹامن سی کی بھاری مقدار ہے-

کیلشیم
پاکستان کی اکثر خواتین میں کیلشیم کی سطح کم پائی جاتی ہے جس کی وجہ سے وٹامن ڈی کی سطح کم ہوجاتی ہے- تاہم ماہرین کیلشیم کی سطح کے حوالے سے آملہ کو بہترین قرار دیتے ہیں-

ذیابیطیس
آملہ ایسے خلیوں کو مدد فراہم کرتا ہے جو انسولین کی پیداوار میں اہم کردار ادا کرتے ہیں اور اسی کے باعث خون میں شوگر کی سطح متوازن رہتی ہے-یہ ذیابیطیس کے مریضوں میں شوگر کی سطح کو کم کرتے ہیں- اس کے علاوہ ایک دن میں 2 آملے کھانے سے کئی ایسے مسائل حل ہوجاتے ہیں جو شوگر کی سطح کو بہت زیادہ کم کر دیتے ہیں-

ہاضمہ
آملہ میں فائبر کی بھاری مقدار پائی جاتی ہے- یہ انسان کے ہاضمے کے نظام میں بہترین لاتا ہے- یہاں تک کہ آملہ قبض اور ڈائیریا لاحق ہونے کے خطرات کو بھی کم کرتا ہے-