|
گزشتہ روز پاکستان سپر لیگ ( پی ایس ایل ) میں ایک نئی
ٹیم ملتان کو بھی خوش آمدید کہہ دیا گیا ہے- پی ایس ایل میں شامل یہ نئی
ٹیم ملتان سال 2018 میں کھیلے جانے والے پی ایس ایل ٹورنامنٹ کے تیسرے
ایڈیشن کا حصہ ہوگی-
|
|
|
پی ایس ایل ملتان کی فرنچائز دبئی سے تعلق رکھنے والے مقبول کاروباری گروپ
شون نے حاصل کی ہے- پی سی بی حکام کو اس فرنچائز کے لیے 10 سے زائد پیشکش
موصول ہوئیں تاہم 5.2 ملین ڈالرز سالانہ کے ساتھ سب سے پرکشش آفر شون گروپ
کی موصول ہوئی جسے منظور کر لیا گیا-
یہ 8 سال پر مبنی کنٹریکٹ ہے جس کی کُل مالیت 41.6 ملین ڈالر ہے-
اس کے ساتھ ہی ملتان ٹیم پی ایس ایل ایونٹ کی سب سے مہنگی ٹیم بھی بن گئی
ہے- اس سے قبل یہ اعزاز کراچی کنگز کے پاس تھا جو کہ 2.6 ملین ڈالرز کے
ساتھ پی ایس ایل کی مہنگی ترین فرنچائز تھی۔
پاکستان سپر لیگ کے دیگر پانچ ٹیموں میں اسلام آباد یونائیٹڈ، پشاور زلمی،
کوئٹہ گلیڈی ایٹرز، کراچی کنگز اور لاہور قلندرز کی ٹیمیں شامل ہیں۔
|
|
|
|
ملتان ٹیم کی فرنچائز حاصل کرنے والے شون گروپ کے مالک ناصر شون اور ان کے
دو بیٹے ہیں اور اس خاندان کا تعلق پاکستان سے ہے-
|