دنیا ست رنگی

(Samreen Nasarullah, Yazman, Bahawalpur)

میراثی نے اونچی آواز میں کہا
”مولوی صاحب چوری کی بھینس آپ کے باڑے سے نکل آئی ہے“
مولوی صاحب نے گھبرا کر اوپر دیکھا اور سکتے کے عالم میں دیر تک میراثی کی طرف دیکھتے رہے۔
پنچائیت نے بھی ایک دوسرے کی طرف دیکھنا شروع کر دیا۔ لوگ اٹھے اور آہستہ آہستہ محفل سے غائب ہونے لگے۔
میراثی پیغام دینے کے بعد واپس چلا گیا۔
مولوی صاحب خفگی‘ خجالت اور شرمندگی میں ڈوبتے چلے گئے۔ یہ کیفیت قدرتی تھی۔
ہم جس خطے میں رہ رہے ہیں وہاں مولوی صاحبان عزت اور ایمانداری کا نشان ہوتے ہیں۔ یہ لوگوں کو نماز بھی پڑھاتے ہیں‘ ان کے کلمے بھی سیدھے کرتے ہیں‘ ان کے جنازے بھی ادا کرتے ہیں اور ان کے چھوٹے بڑے تنازعے بھی نمٹاتے ہیں۔ آپ اندازا کیجئے اس ماحول میں گاؤں کے واحد مولوی صاحب پر چوری کا الزام لگ جائے اور وہ الزام بھی گاؤں کی پنچائیت میں سینکڑوں لوگوں کے سامنے لگایا جائے تو مولوی صاحب کی کیا حالت ہو گی؟
ان مولوی صاحب کے ساتھ بھی یہی ہوا۔ وہ پنچائیت میں بیٹھے تھے۔ لوگوں کے تنازعوں کا فیصلہ کر رہے تھے۔ میراثی آیا اورمولوی صاحب کی عزت مٹی میں رول دی۔ لوگ اٹھ کر گھروں کو چلے گئے۔ مولوی صاحب سر پکڑ کر بیٹھے رہے ۔
میراثی تھوڑی دیر بعد ہانپتا کانپتا واپس آیا‘ مولوی صاحب کے دونوں پاؤں پکڑے اور روتے روتے کہا ”مولوی صاحب مجھے معاف کر دیں‘ چوری کی بھینس آپ کے باڑے سے نہیں نکلی، وہ آپ کے ہمسائے نے چوری کی تھی اور وہ وہیں سے برآمد ہوئی‘ مجھ سے غلطی ہو گئی ‘ میں اب گھر گھر جا کر آپ کی صفائی پیش کروں گا“
مولوی صاحب دیر تک میراثی کو خالی خالی نظروں سے دیکھتے رہے اور پھر آہستہ سے بولے
”نور دین! تم اب جو بھی کر لو، میں علاقے میں چور بن چکا ہوں۔ لوگ مجھے باقی زندگی چور مولوی ہی کہیں گے“
میراثی نے مولوی صاحب سے اتفاق نہیں کیا ، لیکن مولوی صاحب کی بات حقیقت تھی۔
دنیا میں سب سے قیمتی چیز انسان کی عزت ہوتی ہے‘ یہ اگر ایک بار داغدار ہو جائے تو یہ دوبارہ صاف نہیں ہوتی۔ اسلئے لوگوں پر الزام اچھالنے سے پہلے ہزار بار سوچ لیا کرو۔۔!!

Most Viewed (Last 30 Days | All Time)
25 Jul, 2017 Views: 4445

Comments

آپ کی رائے
Hahahahahahaha Yar ye kya chabal mari hai aap ne.... waise he kisi pe ilzam laga dene se izzat nahi jati.. PROOF bhi chahye hota hai.... kund zehan log he baghair proof k kisi ko qasoorwar samajhte hain,,, Aqalmand log proof mangte hain aur Islam bhi yehi kehta hai k kisi nateejay pe pohanchne se pehle achi khasi tassali kar liya karo takay nuqsan aur sharr se bach sako......
By: Akram Khan, Melbourne (Australia) on Jul, 31 2017
Reply Reply
0 Like