ٹک ٹاک اسٹار گرل حریم شاہ پاکستان کی کئی مشہور سیاسی شخصیات کے ساتھ ٹک ٹاک ویڈیوز بنا چکی ہیں لیکن اب انہوں نے بین الاقوامی سیاستدانوں کے ساتھ بھی ٹک ٹاک ویڈیوز بنانے کی خواہش ظاہر کر دی ہے۔
حال ہی میں حریم شاہ کی ایک ٹویٹ سامنے آئی ہے جس میں انہوں نے امریکی صدر ڈونلڈ ٹرمپ کو ٹیگ کر کے ان کے ہمراہ ٹک ٹاک ویڈیو بنانے کی خواہش ظاہر کی ہے۔
حریم شاہ نے اپنے ٹوئٹ میں ڈونلڈ ٹرمپ کو ٹیگ کرتے ہوئے لکھا کہ میں پاکستان کی ٹک ٹاک اسٹار ہوں، کیا آپ میرے ساتھ ٹک ٹاک ویڈیو بنانے میں دلچسپی رکھتے ہیں؟
حریم شاہ کے اس ٹوئٹ پر صارفین کی جانب سے حیرت کا اظہار اور ان کا بے حد مذاق بھی اُڑایا جا رہا ہے۔
متنازعہ ویڈیوز بنانے والی ٹک ٹاک اسٹار حریم شاہ کی گزشتہ برس دفتر خارجہ میں ویڈیو بنانے پر وہ شدید تنقید کا نشانہ بنیں اس کے علاوہ سیاسی شخصیات اور کبھی کرکٹرز سے متعلق ان کی ٹوئٹس بھی سامنے آتی رہتی ہیں۔