تفصیلات کے مطابق کراچی میں کورونا وائرس کے کیسز کی بڑھتی تعداد کے باعث چند علاقوں کو ریڈ زون ایریا قرار دے دیا گیا ہے۔
شہرِ قائد میں ڈپٹی کمشنر ضلع شرقی کی جانب سے یوسی 8 اور 9 کو ریڈ زون قرار دے دیا گیا ہے۔
پولیس کے مطابق یوسی 8 اور 9 میں مزید سخت اقدامات کیے جا رہے ہیں۔ ڈپٹی کمشنر ضلع شرقی کی جانب سے ریڈزون قرار دیئے جانے والے علاقوں میں گلشن13 ڈی، 13 بی، جمالی کالونی اور13 بی ٹو شامل ہیں، اس کے علاوہ گلشن بلاک 4، 6 اور 7 کے علاقے بھی ریڈزون میں شامل ہیں۔
پولیس کا کہنا ہے کہ ان علاقوں میں کسی کو بھی آنے جانے کی اجازت نہیں ہوگی جبکہ گھر کا ایک فرد شناختی کارڈ کے ساتھ خریداری کے لیے نکل سکے گا۔ مذکورہ علاقوں میں ضروری اشیاء کی دکانیں صبح 8 سے دوپہر 3 بجے تک کھلیں گی، جبکہ حالات قابو میں آگئے تو ایک ہفتے بعد علاقہ کو کھول دیا جائے گا۔