کراچی کے نجی باکسنگ کلب میں مقابلے کے دوران باکسر کی ہلاکت، عامر خان کا ہلاکت پر بیان۔
تفصیلات کے مطابق کراچی کے علاقے گلشن اقبال میں راشد منہاس روڈ پر واقع پویلین کلب میں مقابلے کے دوران اسلم نامی باکسر ہلاک ہو گیا تھا، افسوسناک واقعہ مقابلے کے دوران سر پر پنچ لگنے کے باعث پیش آیا، جس پر پاکستانی نژاد برطانوی باکسر عامر خان نے کہا کہ اس بات کو یقینی بنانا چاہیے کہ باکسنگ مقابلوں کے وقت میڈیکل ٹیم موجود ہو۔
انہوں نے اظہارِ افسوس کرتے ہوئے مزید کہا کہ باؤٹ دیکھ کر لگ رہا تھا کہ وفات پانے والے باکسر اسلم کے حریف کا وزن اس سے زیادہ تھا۔
واضح رہے کہ بلوچستان کے علاقے پشین سے تعلق رکھنے والے قومی سطح کے باکسر محمد اسلم مقابلے کے دوران سر پر پنچ لگنے سے شدید زخمی ہوگئے تھے جو بعد ازاں انتقال کر گئے۔