خوبصورت پسِ منظر اور ارد گرد پھولوں کی بہتات لئے فرئیر ہال کی عمارت کراچی میں ٹک ٹاکرز کی پسندیدہ ترین جگہ ہے ۔ یہاں اتوار کے دن کافی رش ہوتا ہے۔ صرف بچے اور نوجوان نہیں بلکہ بوڑھے بھی فرئیئر ہال میں ٹک ٹاک پر وڈیوز بناتے دکھائی دیتے ہیں۔ وجہ پوچھنے پر آئے ہوئے ٹک ٹاکرز نے یہ بتایا کہ ٹک ٹاک وڈیوز دیکھنے والا وڈیوز کا بیک گراؤنڈ ضرور دیکھتا ہے جس کی وجہ سے ہمیں ایسی ہی جگہ چاہئیے ہوتی ہے جو خوبصورت لگے۔ ایک ٹک ٹاکر نے تو یہ بھی کہا کہ ملک کے کسی بھی شہر سے آنے والا ٹک ٹاکر کراچی آکر ٹک ٹاک وڈیو بنانے کے لئے اسی جگہ کا انتخاب کرے گا۔
اب لوگوں کی پسند جاننے کے بعد ہم فرئیئر ہال کا تھوڑا سا تعارف بھی پیش کردیتے ہیں
فرئیئر ہال کیا ہے ؟
فرئیئر ہال انگریزوں کے زمانے کی تعمیر کردہ ایک خوبصورت ترین عمارت ہے۔ یہ عمارت ١٨٦٥ میں مکمل ہوئی اور کراچی کے علاقے صدر میں واقع ہے۔ بنیادی طور پر یہ کراچی کا ٹاؤن ہال تھا لیکن اب یہ حسین عمارت مختلف مقاصد کے لئے استعمال ہوتی ہے ۔ فرئیئر ہال کی چھتوں کی تزئینِ نو پاکستان کے مشہور معمار صادقین نے ١٩٨٧ میں کی۔ اور اب عمارت میں میوزئیم ، لائبریری اور نمائش میں استعمال ہونے کے لئے بہت بڑا ہال شامل ہے۔
فرئیئرہال انگریز دورِ حکومت سے تعلق رکھنے کی وجہ سے سیاحوں کی دلچسپی کا مرکز ہے۔