گلوکار علی ظفر ایک بار پھر منفرد انداز میں مداحوں کے دل جیتنے آگئے، ویڈیو وائرل۔
سوشل میڈیا پر گزشتہ دنوں سے ایک ویڈیو وائرل ہے جس میں ایک پاکستانی لڑکی نے الگ انداز میں پارٹی ہو رہی ہے کہا تاہم یہ ویڈیو اتنی وائرل ہے کہ سوشل میڈیا پر سب ہی اس پر رد عمل دے رہے ہیں۔
پاکستان کے مشہور گلوکار علی ظفر نے بھی اس ویڈیو پر ردعمل دیتے ہوئے کھیل کے میدان میں چھکا مارتے ہوئے اپنی ویڈیو میں کہا کہ 'یہ میرا بیٹ ہے، یہ پچ ہے'، جس کے بعد وہ فاسٹ بال پر زوردار اور اونچھا چھکا لگا کر کہتے ہیں کہ 'اور یہ میرا چھکا ہے'۔
ویڈیو میں موجود ایک شخص علی ظفر کے شاٹ پر کہتا ہے کہ ''یہ بہت ہی لمبا چھکا ہے''۔
ان کی یہ دلچسپ ویڈیو مداحوں کو بے حد پسند آرہی ہے اور سوشل میڈیا پر اُن کے اس انداز کو بھرپور پسند کیا جا رہا ہے۔