چین میں 53 سالہ خاتون ہزاروں فٹ بلندی پر پاؤں پھسلنے سے تار پکڑ کر لٹک گئیں، خوش قسمتی سے واقعے میں خاتون کی جان بچ گئی۔
چینی میڈیا کی جانب سے شیئر فوٹیج جاری کی گئی ہے جس میں دیکھا جاسکتا ہے کہ ایک خاتون سیاح ہزاروں فٹ بلند مقام پر قائم تار والے پل پر چلنے کے دوران پھسل گئیں اور وہ لٹکی ہوئی ہیں۔
یہ واقعہ سچہوان صوبے کے علاقے دیانگ میں قائم سیاحتی مقام پر اُس وقت پیش آیا جب 53 سالہ خاتون اپنے اہل خانہ کے ساتھ خطرناک پُل پر چلنے کی کوشش کر رہی تھیں تاہم پاؤں پھسلنے کی وجہ سے خطرناک صورتحال میں مبتلا ہو گئیں۔
رپورٹ کے مطابق خاتون تھوڑی سی آگے بڑھیں تھیں کہ اسی دوران اُن کے پاؤں کے نیچے رکھا تختہ نکل گیا اور وہ لٹک گئیں۔
تاہم اگر خاتون نے ہُک کو تار سے نہ لگایا ہوا ہوتا تو وہ سیدھی دریا میں جاکر گرتیں جس کے نتیجے میں وہ جان سے بھی جا سکتی تھیں، رپورٹ میں بتایا گیا ہے کہ یہ پل دریا کے اوپر بنا ہوا ہے جس پر چل کر سیاح ایک طرف سے دوسری طرف جاتے ہیں۔
انتظامیہ نے فوری طور پر ریسکیو آپریشن کر کے خاتون کی جان بچائی جبکہ انتظامیہ نے واقعے کی تحقیقات کا حکم جاری کر دیا ہے۔