کویت کے سول سروس کمیشن نے میڈیکل اسٹاف کی اضافی رخصت کے تنازع کو حل کر دیا ہے، جبکہ کویت کی حکومت نے بڑا فیصلہ لیتے ہوئے سی ایس سی ملازمین کی اضافی سالانہ چھٹیوں کو ضبط کرنے کا فیصلہ جاری کر دیا ہے۔
کویتی زرائع ابلاغ کے مطابق کویت کے سول سروس کمیشن نے وزارت صحت میں کام کرنے والے ڈاکٹرز، ٹیکنیشنز اور انتظامیہ کی چھٹیوں کے بیلنس کے تنازعہ کو دور کرتے ہوئے فیصلہ کیا ہے کہ ملازمین کی اضافی رخصت بیلنس ضبط ہوجائے گی جبکہ انہیں آگے آنے والی چھٹیوں کے حساب میں شامل نہیں کیا جائے گا۔
کویت کے مقامی اخبار کی شائع کردہ رپورٹ کے مطابق اس ضمن میں سول سروس کمیشن (سی ایس سی) کے ترجمان نے وزارت صحت کے سیکرٹری اطلاعات ڈاکٹر مصطفیٰ ریدا کو ایک مراسلہ بھی جاری کر دیا ہے۔
مراسلے میں درج ہے کہ وزارت صحت میں کام کرنے والے ملازمین کی بقایا چھٹیوں کو آگے نہ بڑھایا جائے کیونکہ کویت کے سول سروس کے قانون کے مطابق بقیہ رہ جانے والی زائد چھٹیوں کو ضبط کر لیا جائے گا۔