شادی کا لڈو جو کھائے وہ پچھتائے جو نہ کھائے وہ پچھتائے، وقت پر شادی کرنا ہر شخص کی خواہش ہے لیکن اگر قدرتی طور پر انسان میں کوئی کمی ہو تو ہمارے معاشرے میں شادی کرنا مشکل ہو جاتا ہے۔
ایسا ہی کچھ واقعہ بھارت میں پیش آیا ہے جہاں ایک چھوٹے قد کے آدمی نے انوکھا اقدام اُٹھایا اور شادی نہ ہونے پر دلبرداشتہ ہو کر شادی کروانے کی فریاد لیکر خواتین پولیس اسٹیشن پہنچ گیا۔
بھارتی ریاست اتر پردیش قصبہ کیرانا سے تعلق رکھنے والے محمد عظیم کا قد صرف 2 فٹ ہے جس کی وجہ سے ان کی شادی نہیں ہو رہی محمد عظیم کا کہنا ہے کہ ان کے اہل خانہ کو بھی ان کی شادی کی فکر نہیں ہے، یہی وجہ ہے کہ محمد عظیم نے تھک ہار کر اپنی شکایت درج کروانے کے لئے پولیس اسٹیشن کا رخ کر لیا۔
بھارتی میڈیا رپورٹ میں بتایا گیا ہے کہ دلبرداشتہ پستہ قد شخص شادی مطالبہ لے کر شاملی میں واقع خواتین پولیس اسٹیشن پہنچا، محمد عظیم ایک مزدور ہے اور اس نے اس نے کئی مرتبہ خواتین تھانے اور ایس ڈی ایم و تھانہ انچارج سے شادی کروانے کی درخواست کی تاہم اب تک اسے کوئی کامیابی حاصل نہیں ہوئی ہے اور اس کی مدد نہ کر سکا۔