سوشل میڈیا پر مداحوں کی جانب سے پرستاروں اور اداکاروں کے بارے میں رائے دینا عام بات ہے۔ سوشل میڈیا پر پرستاروں کو مداحوں کی جانب سے منفی اور مثبت ہر طرح کے کمنٹس برداشت کرنے پڑتے ہیں۔ لیکن کئی بار صورتحال کچھ مختلف ہوجاتی ہے۔
پاکستانی اداکارہ ژالے سرحدی کے ساتھ بھی کچھ ایسا ہی واقعہ پیش آیا ہے۔
تفصیلات کے مطابق سوشل میڈیا پر صارف کی جانب سے اداکارہ کے پاؤں کو مردانہ کہنے پر ژالے سرحدی نے صارف کو تھپڑ مارنے کی دھمکی دیدی ہے۔
اداکارہ ژالے سرحدی اپنے انسٹاگرام اکاؤنٹ کے ذریعے مداحوں کے سوالات کا جواب دے رہی تھیں کہ اسی دوران ایک صارف نے کہا کہ آپ کے پاؤں بہت بڑے، مردانہ قسم کے ہیں۔
اداکارہ ژالے سرحدی نے صارف کو جواب دیتے ہوئے کہا کہ جی ہاں اور میرے ہاتھ اور بھی بڑے ہیں۔
اداکارہ نے صارف کو دھمکی دیتے ہوئے کہا کہ میں ان ہاتھوں سے زوردار تھپڑ بھی رسید کرسکتی ہوں۔
اداکارہ کا مزید کہنا تھا کہ وہ باکسر کی طرح مکے بھی مار سکتی ہیں۔
واضح رہے کہ اداکارہ نے مداحوں کو مثبت رہ کر اور پُر امن طریقے سے پریشان کرنے اور بُرا چاہنے والوں کو ناکام بنانے کا مشورہ دیا تھا۔