افغانستان میں حکومت قائم کرنے کے بعد اب صورتحال کچھ یوں ہے کہ دنیا طالبان کے ایک منفرد رویے پر حیرت زدہ ہے۔ منفرد رویے کے ساتھ ساتھ افغان طالبان کی اب کچھ ایسی تصاویر اور ویڈیوز بھی سامنے آرہی ہیں، جو کہ عام طور پر نہیں دکھائی دیتی ہیں۔
سوشل میڈیا پر طالبان سے متعلق کچھ ایسی ویڈیوز بھی موجود ہیں جن میں امریکی جدید دفاعی گاڑیاں افغان طالبان کے پاس ہیں۔ یہ گاڑیاں افغان طالبان کے خلاف امریکہ نے اور اتحادیوں نے افغانستان میں پہنچائی تھیں، مگر صورتحال کچھ اس طرح تبدیل ہوئی کہ اپنے لیے افغانستان پہنچائی گئی یہ گاڑیاں خود امریکہ کے خلاف استعمال ہو رہی ہیں۔
ٹوئیٹر پر افغا طالبان کے نام سے موجود افغان طالبان کے اکاؤنٹ سے کچھ ویڈیوز جاری کی گئی ہیں۔ اس ویڈیو میں دیکھا جا سکتا ہے کہ افغان طالبان امریکی اسلحہ لیس فوجی گاڑی بمبوز کو چلا رہے ہیں، جبکہ دوران دیگر گاڑیاں بھی موجود ہیں۔
جبکہ ایک اور ویڈیو میں دیکھا جا سکتا ہے کہ طالبان بگرام ائیر بیس کا ہیلی کاپٹر کے ذریعے جائزہ لے رہے ہیں، واضح رہے کہ بگرام ائیر بیس امریکی فوج کا مرکز تھا، جبکہ سوشل میڈیا کے مطابق جس ہیلی کاپٹر کے ذریعے جائزہ لیا گیا وہ بھی امریکی ہیلی کاپٹر تھا۔
واضح رہے گزشتہ ماہ طالبان کی جانب سے آن شاپنگ اسٹور پر امریکی گاڑی کی فروخت کا اشتہار ڈالا تھا۔