اداکارہ منل خان اور احسن محسن اکرام کی شادی دھوم دھام سے کرچی میں انجام پائی۔ شادی میں منال کے قریبی دوستوں اور اداکاروں نے شرکت کی۔ تمام تر تقریبات کے بعد سوشل میڈیا پر منال کی منہ دکھائی کا تحفہ زیرِ بحث ہے جس کو دیکھ کر لڑکیاں خواہش کر رہی ہیں کہ اب ان کو بھی ایسا ہی تحفہ ملے۔
اداکارہ کو شوہر کی جانب سے ہیروں کا قیمتی ہار تحفے میں ملا ہے جو کہ سادہ ڈیزائن کا بوٹ نیک پیس ہے اور ساتھ ہی دو کانوں کے بُندے ہیں، ڈیزائن تکون زگ زیگ ہے۔
اس ہار کی قیمت کے حوالے سے لوگوں نے مختلف اندازے لگائے ہیں، کسی ویب سائٹ کے مطابق ہر کی قیمت 5 کروڑ تو کسی کے مطابق 10 لاکھ روپے ہے، البتہ ابھی تک احسن ور منال کی جانب سے یہ واضح نہیں کیا گیا کہ یہ ہیروں کا ہار کس جیولر سے بنوایا گیا ہے اور نا ہی اس تحفے کی قیمت بتائی گئی ہے۔
منال خان نے کل اپنے ولیمے میں بھی احسن محسن کے دیئے ہوئے اس تحفے کو پہنا جو ان پر خوب جچ رہا ہے۔ مداحوں نے بھی منال کے ولیمہ لُک کی تعریف کی، سوشل میڈیا پر ان کی تصاویر اور ویڈیوز خوب وائرل ہو رہی ہیں۔