موبائل فون آج کل دنیا بھر کے تمام لوگوں کی اولین ضرورت اور ترجیح بن گیا ہے کیونکہ اس چھوٹے سے پٹارے سے آپ کہیں بھی بیٹھے بیٹھے دنیا بھر کی خبریں حاصل کر سکتے ہیں۔

لیکن ہم موبائل فون اتنا استعمال کرتے ہیں کہ دن بھر اسے چارج کرنے کا وقت ہی نہیں ملتا اور پھر ہم دن بھر کی مصروفیات سے فارغ ہو کر رات کے وقت موبائل فون چارج پر لگا کر سوجاتے ہیں۔

لیکن کیا آپ جانتے ہیں کہ ایسا کرنا آپ کے لئے اور آپ کے فون کے لئے کتنا خطرناک ثابت ہو سکتا ہے؟ آیئے آج ہم آپ کو اس کے نقصانات سے آگاہ کرتے ہیں۔

رات کے وقت موبائل فون کیوں چارج نہیں کرنا چاہیئے؟

رات کے وقت موبائل فون چارج پر لگا کر سونے کا سب سے پہلا اور بڑا نقصان تو یہ ہے کہ بیٹری مکمل چارج تو ہو جاتی ہے مگر موبائل فون کی بیٹری میں ہیلیئم موجود ہوتا ہے جو ضرورت سے زیادہ پاور ملنے پر پھر سے چارج ہوئی بیٹری کو کم کر دیتا ہے اور بیٹری خراب ہو جاتی ہے۔

ایسا کرنے میں سب سے بڑا خطرا یہ ہے کہ اگر بیٹری کو مستقل طور پر کئی گھنٹوں الیکٹرک پاور ملتی رہے تو موبائل فون میں بلاسٹ ہونے کا خدشہ بڑھ جاتا ہے۔

اس کے علاوہ اگر آپ سالوں سے روزانہ ایسا ہی کر رہے ہیں تو آپ کا فون تو خراب ہوگا ہی ساتھ ہی الیکٹری سٹی ضائع بھی ہوتی رہے گی۔

رات کے وقت موبائل فون چارج پر لگا کر سونے کا ایک اور نقصان یہ بھی ہے کہ اس سے چارجر کی صحت پر بھی نقصان پڑے گا، اور اگر چارجر کا تار ہلکی کوالٹی کا ہے تو یہ موبائل کو بھی نقصان پہنچائے گا۔