امریکی ادارے “فیکٹ فوکس“ کے مطابق سابق چیف جسٹس ثاقب نثار کی آڈیو انھوں نے دو ماہ پہلے حاصل کرلی تھی اور ملٹی میڈیا فرانزک میں مہارت رکھنے والی مشہور امریکی ادارے “گیریٹ ڈسکوری“ سے اس کی جانچ بھی کروائی گئی ہے۔ فرم کا کہنا ہے کہ آڈیو بالکل درست ہے اور اس میں ایک لمحے کا بھی وقفہ نہیں ہے۔
مریم نواز کو بھی سزا دینی ہوگی
کچھ دن پہلے سابق چیف جسٹس سے منسوب ایک آڈیو ٹیپ سامنے آئی ہے جس میں وہ کسی سے بات کرتے ہوئے کہہ رہے ہیں کہ “ عمران خان کی جگہ بنانےکے لیے نواز شریف کو سزا دینی ہوگی، مریم نواز کو بھی سزا دینی ہوگی، مبینہ آڈیو کلپ میں وہ مبینہ طور پر تسلیم کر رہے ہیں کہ مریم نواز کو بھی سزا دینی ہو گی اگرچہ مریم نواز کے خلاف کوئی کیس نہیں ہے“
امریکی ادارے کی تصدیق
البتہ ثاقب نثار خود اس آڈیو کو جھٹلا چکے ہیں لیکن اب امریکی ماہرین کی جانچ اور تصدیق کے بعد معاملہ دوبارہ سنگین صورت اختیار کرچکا ہے۔