معروف بھارتی ٹینس اسٹار ثانیہ مرزا اکثر ہی سوشل میڈیا پر اپنی ویڈیوز اور تصاویر کے باعث صارفین کی توجہ کا مرکز بنی رہتی ہیں۔
اب ان کی ایک اور تصویر سوشل میڈیا پر وائرل ہو رہی ہے جس پر ان کے مداح اپنے رد عمل کا اظہار کر رہے ہیں۔
قومی کرکٹر شعیب ملک کی اہلیہ ثانیہ مرزا نے سماجی رابطے کی ویب سائٹ انسٹاگرام پر ایک تصویر شئیر کی جس میں انہیں دو حصوں میں تقسیم ہوتے دیکھا جاسکتا ہے۔
ثانیہ مرزا کی مذکورہ تصویر پر پہلے تو لوگوں نے حیرانگی کا اظہار کیا اور سوچا کہ ان کا نیچلا حصہ کیسے علیحدہ ہوگیا۔
اس حوالے سے ٹینس اسٹار ثانیہ مرزا نے انسٹاگرام پوسٹ پر کیپشن لکھاکہ سوچا اپنی ٹانگوں کو تھوڑا آرام دے دوں۔
ثانیہ مرزا کی اس پوسٹ پر بڑی تعداد میں صارفین ردعمل دے رہے ہیں ، چند گھنٹوں میں ہی ڈیڑھ لاکھ سے زائد افراد پوسٹ کو لائک کرچکے ہیں اور بڑی تعداد نے اس پر تبصرہ بھی کیا ہے۔