میں ہاتھ جوڑ کر کہتا ہوں کہ کچرے میں قُرآنی آیات یا صفحات نہ پھینکیں ۔۔ کچرے میں مقدس چیزیں پھینکنے پر کچرا اُٹھانے والا برس پڑا

قرآن ایک مُقدس کتاب ہے۔ جو تمام مسلمانوں کے لئے بہت اہم ہے۔ اس کے صفحات اور قرآنی آیات کو کچرے میں اکثر لوگ پھینک دیتے ہیں۔ کچھ بے دھیانی میں ان کو ڈال دیتے ہیں جو کہ بہت غلط ہے۔ کچرا اٹھانے والے جمعدار نے نجی ٹی وی کو انٹرویو دیتے ہوئے عوام سے اپیل کی ہے کہ ایسا ہرگز نہ کریں۔

جمعدار عادل (فرضی نام) کہتے ہیں کہ: '' میں آپ سے ہاتھ جوڑ کر درخواست کرتا ہوں کہ قرآنی آیات یا صفحات کو کچرے میں نہ ڈالیں، یہ بہت گناہ ہے۔ کچرا پھینکتے وقت جگہ تو دیکھ لیا کریں، ایک مرتبہ اپنے کچرے پر خود بھی نظرِ ثانی کیا کریں کہ آپ کیا اور کب پھینک رہے ہیں۔ سارا کوڑا ایک جگہ جمع ہوتا ہے۔ ہمارے ہاتھ بھی ناپاک ہوتے ہیں اور ہم ان ہاتھوں سے کچرا چنتے ہیں جوکہ بہت شرم کی بات ہے۔ جس قرآن، دین ایمان سے دنیا اور آخرت ہے ہم اسی کو کچرے میں پھینک رہے ہیں۔ پڑھے لکھے ہونے کا کوئی ثبوت تو دیں۔ ''