نوبل انعام یافتہ پاکستانی ملالہ یوسفزئی نے آفیشلی آکسفورڈ یونیورسٹی سے اپنی گریجویشن مکمل کرلی۔
ملالہ یوسف زئی کے والد ضیاالدین یوسف زئی نے سوشل میڈیا ویب سائٹ پر اپنی صاحبزادی کی گریجویشن مکمل ہونے کی خوشخبری شئیر کی اور ساتھ ہی تصاویر بھی اپ لوڈ کیں۔
ملالہ کے والد زیاالدین یوسف زئی کی جانب سے شیئر کی گئی تصاویر میں وہ اپنی اہلیہ کے ہمراہ ملالہ یوسف زئی کے ساتھ کھڑے ہیں جب کہ ایک اور تصویر میں ملالہ کے شوہر عصر ملک اور ساس بھی موجود ہیں۔
خیال رہے ملالہ یوسفزئی نے صرف 17 سال کی عمر میں امن کا نوبل انعام حاصل کیا تھا جب کہ انہوں نے گزشتہ سال برطانیہ کی آکسفورڈ یونیورسٹی سے فلسفہ، سیاست اور معاشیات میں گریجوایشن کی ڈگری مکمل کی تھی۔